Cymorth Technegol 4, Data Morol

Cyfoeth Naturiol Cymru / Natural Resources Wales; Cardiff; On-site; GBP 32,000 - 36,000; Full time

Job summary

Gweithredwr yn y sector amgylcheddol yn chwilio am unigolyn brwdfrydig i ymuno â thîm monitro data morol. Byddwch yn gyfrifol am reoli a sicrhau ansawdd data morol, gan gynnwys cofrestru biolegol a dilysu data. Mae hefyd yn hanfodol i chydweithio gyda thimau i gyflawni gofynion data. Mae'r rôl hon yn cynnig cyflog £32,544 yn codi i £35,377, gyda buddion rhagorol megis 28 diwrnod o wyliau blynyddol a mwy.

Benefits

28 diwrnod o wyliau blynyddol

Cyfraniadau pensiwn o 28.97%

Ymroddiad i ddatblygiad proffesiynol

Qualifications

• Profiad o gofnodi biolegol.
• Y gallu i weithio’n dda fel rhan o dîm.
• Meddu ar drwydded i yrru cerbydau fflyd CNC (dymunol).

Responsibilities

• Gweithio fel rhan o dîm monitro a rheoli mewnbwn data morol.
• Cyfrannu at reoli data morol a sicrhau ansawdd y data.
• Cefnogi ymatebion i geisiadau data.

Skills

Sgiliau hunanreoli a threfnu

Sgiliau rhyngbersonol

Profiad blaenorol o weithio gyda data amgylcheddol

Cymwyseddau TG

Education

A1 - Lefel Mynediad Cymraeg

Tools

Microsoft Excel

GIS

Job description

Tîm / Cyfarwyddiaeth : Monitro, Asesu ac Adrodd Morol / Gweithrediadau

Cyflog cychwynnol : £32,544 yn codi i £35,377 fesul cam bob blwyddyn. (Pro rata ar gyfer ymgeiswyr rhan-amser).

Math o gytundeb : Penodiad Tymor Penodol am 12 mis gyda'r posibilrwydd o barhaolrwydd.

Patrwm gwaith : Llawn amser, 37 awr yr wythnos(Rhoddir ystyriaeth i weithio’n rhan amser, oriau blynyddol, oriau cywasgedig neu weithio yn ystod amser tymor – croesewir trafodaethau yn ystod y cyfweliad)

Rhif swydd : 203972

Y rôl

A ydych chi’n angerddol dros ecosystemau morol a gwneud gwir effaith drwy ddata? Rydym yn chwilio am unigolyn rhagweithiol sy’n ystyriol o fanylion i gefnogi ein Tîm Monitro, Asesu ac Adrodd Morol.

Yn y rôl hon, byddwch yn chwarae rhan allweddol yn y gwaith o reoli ein data morol a sicrhau eu hansawdd - o gofnodi biolegol a dilysu data i weithio ar draws systemau sy’n cefnogi gwaith tystiolaeth forol hanfodol CNC. Byddwch yn cydweithio’n agos â thimau morol eraill, gan gynnwys ein Grŵp Ecosystemau Arfordirol Morol a Dŵr Croyw, gan helpu i ddarparu data cywir a dibynadwy sy’n sail i’r broses o wneud penderfyniadau amgylcheddol ledled Cymru.

Byddwch yn rhan o dîm mawr, cyfeillgar a chefnogol iawn o 18 o arbenigwyr sy’n monitro ac yn adrodd ar bopeth o riffau islanwol i barthau rhynglanwol. Mae ein tîm yn rhan o’r Gyfarwyddiaeth Gweithrediadau Morol, ac yn cwmpasu arfordir cyfan Cymru. Felly, bydd eich gwaith yn cefnogi’n uniongyrchol y gwaith o ddiogelu ac adfer ein amgylcheddau morol unigryw.

Os ydych yn drefnus, yn frwdfrydig dros wyddoniaeth forol, ac yn barod i weithio mewn tîm sy’n gwerthfawrogi cydweithio a chael effaith, byddem wrth ein bodd yn clywed gennych.

I wneud ymholiad anffurfiol am y rôl hon, cysylltwch â Lucie Haines at .

Bydd cyfweliadau’n cael eu cynnal drwy Microsoft Teams.

Bydd ymgeiswyr llwyddiannus yn destun gwiriad boddhaol gan y Gwasanaeth Datgelu a Gwahardd. Fel arfer, penodir o fewn pedwar i wyth wythnos i’r dyddiad cau.

Yr hyn y byddwch chi’n ei wneud

• Gweithio fel rhan o dîm monitro, asesu ac adrodd morol i helpu i reoli mewnbwn data morol Cyfoeth Naturiol Cymru ar gyfer Marine Recorder Online (MRO), sef system rheoli data gweithredol ar-lein ar gyfer data cadwraeth forol y DU, gan ganolbwyntio ar fioamrywiaeth benthig a data samplu cysylltiedig.
• Gweithio gyda staff monitro morol i gefnogi eu gofynion ar gyfer rheoli, adfer a thrin data.
• Trefnu cyfarfodydd â staff allweddol i nodi blaenoriaethau o ran mewnbynnu data, cysylltu â gwarcheidwad data (data, dulliau casglu, sut i strwythuro data yn Marine Recorder Online)
• Gweithio ar draws timau i ddeall ble mae data’n cael eu cadw, a rheoli, cofnodi a chadw data yn ôl yr angen ar gyfer anghenion y prosiectau.
• Ymgymryd â’r gwaith o gasglu, mewnbynnu, rheoli a dadansoddi data monitro.
• Cefnogi ymatebion i geisiadau data pan fydd angen.
• Cyfrannu at y gwaith ehangach o reoli data morol, er enghraifft, drwy roi mewnbwn i grwpiau sy’n defnyddio cronfeydd data, neu lunio canllawiau.
• Cynorthwyo gyda gwaith maes pan fydd angen.
• Cyfrannu at ddiwylliant iechyd, diogelwch a llesiant cadarnhaol.
• Ymgymryd â dyletswyddau a chyfrifoldebau iechyd a diogelwch sy’n briodol i'r swydd.
• Ymrwymiad i Bolisi Cyfle Cyfartal ac Amrywiaeth Cyfoeth Naturiol Cymru, ynghyd â dealltwriaeth o sut mae’n gweithredu o fewn cyfrifoldebau’r swydd.
• Bod yn ymrwymedig i'ch datblygiad eich hun trwy ddefnydd effeithiol o Sgwrs.
• Unrhyw ddyletswyddau rhesymol eraill y gofynnir amdanynt sy'n gymesur â gradd y rôl hon.

Eich cymwysterau, profiad, gwybodaeth a sgiliau

• Profiad blaenorol o weithio gyda data amgylcheddol (data morol, yn ddelfrydol) gan gynnwys sicrhau ansawdd, dilysu data a galluoedd technegol wrth drin data
• Profiad o gofnodi biolegol
• Profiad o Marine Recorder Online (dymunol)
• Sgiliau hunanreoli a threfnu cadarn ac effeithiol
• Sgiliau rhyngbersonol da, y gallu i gyfathrebu ag eraill.
• Y gallu i weithio’n dda fel rhan o dîm
• Meddu ar drwydded ddilys a chyfredol i yrru cerbydau fflyd CNC (ceir a faniau) (dymunol).
• Cymwyseddau TG; profiad o MS Office a chronfeydd data, yn enwedig Microsoft Excel. Profiad GIS (dymunol).

Gofynion y Gymraeg

• Hanfodol : Lefel A1 - Lefel Mynediad (y gallu i ddeall a defnyddion ymadroddion a chyfarchion syml, dim gallu i sgwrsio yn Gymraeg)

Buddion

• cynllun sy’n cynnig cyfraniadau o 28.97% gan y cyflogwr (bydd staff mewnol llwyddiannus yn aros yn eu cynllun pensiwn presennol)
• 28 diwrnod o wyliau blynyddol, yn codi i 33 diwrnod
• absenoldebau hael ar gyfer eich holl anghenion mewn bywyd
• ymrwymiad i ddatblygiad proffesiynol
• manteision a chymorth o ran iechyd a lles
• awr les wythnosol y gallwch ddewis pryd i’w defnyddio

Gweler y manylion llawn ar gyfer yr holl y byddwch yn eu cael fel gweithiwr.

Daliwch ati i ddarllen

Rydym yn angerddol am greu gweithlu creadigol ac amrywiol ac yn annog ceisiadau gan gymunedau heb gynrychiolaeth ddigonol. Rydym yn croesawu heb ystyried oedran, anabledd, ailbennu rhyw, statws priodasol neu bartneriaeth sifil, beichiogrwydd a mamolaeth, hil, crefydd neu gred, rhyw, cyfeiriadedd rhywiol.

Rydym wedi ymrwymo i gyfle cyfartal, ac rydym yn gwarantu cyfweliadau ar gyfer ymgeiswyr ag anableddau sy'n bodloni'r meini prawf gofynnol.

Rydym yn dymuno denu a chadw staff talentog a medrus, felly rydym yn sicrhau bod ein graddfeydd cyflog yn aros yn gystadleuol. Nodir graddfeydd cyflog ar ddisgrifiadau swydd wrth hysbysebu. Mae’r bobl a benodir yn cychwyn ar bwynt cyntaf y raddfa, gyda chynnydd gam wrth gam bob blwyddyn.

Rydym am i'n staff ddatblygu'n broffesiynol ac yn bersonol. O ddatblygu eu sgiliau arweinyddiaeth i gael mynediad i gyrsiau addysg bellach ac uwch, mae ein staff yn cael cyfleoedd i ehangu eu gwybodaeth mewn amrywiaeth o bynciau, cynnal eu gwybodaeth o’r datblygiadau diweddaraf yn eu maes a pharhau i ddysgu wrth i’w gyrfa ddatblygu.

Rydym yn sefydliad dwyieithog sy’n cydymffurfio â ac sydd wedi ymrwymo i gyfle cyfartal. Ystyrir sgiliau Cymraeg yn ased i’r sefydliad, ac rydym yn annog ac yn cefnogi staff i ddysgu, datblygu a defnyddio eu sgiliau Cymraeg yn y gweithle. Mae croeso i chi wneud cais am unrhyw swydd wag yn Gymraeg neu Saesneg a bydd unrhyw gais a gyflwynir yn cael ei drin yn gyfartal.

Gwnewch gais am y rôl hon

Cadwch y manylion hysbyseb yma ar gyfer cyfeirnod yn y dyfodol gan na fyddant ar gael ar-lein ar ôl y dyddiad cau.