A complete application in a minute
Tailored resume and cover letter, ready to send.
Akademia soek na ʼn akademiese assistent vir die Departement Finansiële Bestuur en Ekonomie op die Pretoria-kampus vanaf Januarie 2027. Die pos vereis administratiewe en akademiese ondersteuning vir dosente, leer- en onderrigaktiwiteite, en die bestuur van dokumentasie en data wat met assesserings verband hou.
Jy sal betrokke wees by kontaksessies, voorbereidingswerk vir klasse, op die leerbestuurstelsel, data-onttrekking en interne verslagdoening.
Akademia is ʼn Christelike, klassieke en onafhanklike hoëronderwysinstelling wat verbind is tot die uitnemende opleiding en vorming van studente vanuit en vir Afrikaanse taal- en kultuurgemeenskappe. Akademia het vanaf Januarie 2027 op die Pretoria-kampus ʼn voltydse pos vir ʼn akademiese assistent in die Departement Finansiële Bestuur en Ekonomie in die Fakulteit Ekonomiese en Bestuurwetenskappe beskikbaar.
ʼn Akademiese assistent is daarvoor verantwoordelik om ʼn wye spektrum van akademiese en verwante take te verrig. Die assistent bied administratiewe en akademiese ondersteuning aan akademici van die betrokke departement om onderrig-, leer- en/of navorsingsaktiwiteite doeltreffend te laat verloop.
Daar sal van die akademiese assistent verwag word om ʼn spektrum van akademiese en verwante take ten opsigte van akademiese bedrywighede in die departement te verrig. Dit kan insluit maar is nie beperking nie tot: hulp met die administrasie van onderrig- en leeraktiwiteite; bystand aan dosente ten opsigte van voorbereiding vir kontaksessies; oplaai van akademiese materiaal op die leerbestuurstelsel; hulpverlening met klasaktiwiteite op die voltydse kampusmodel en aanlyn tutoriale op die nauurse afstandsmodel; modulespesifieke navorsingsoektogte; bystand met dokumentbestuur van vouers op SharePoint; nasien van assesseringsaktiwiteite en data-onttrekking en -analise van assesserings; die versameling en verwerking van data vir interne verslagdoening; effektiewe skakeling met studente en die hantering van akademiese studentenavrae.
Om vir hierdie pos te kwalifiseer word ʼn voorgraadse kwalifikasie in ʼn relevante dissipline vereis. Verder sal ʼn nagraadse BCom-kwalifikasie ʼn voordeel vir u aansoek wees. Enige ervaring in administrasie of akademiese ondersteuning sal ook voordelig wees.
Sterk verbale en geskrewe kommunikasievaardighede (akademiese Afrikaans); interpersoonlike vaardighede; prioritiserings- en tydsbestuursvaardighede; vermoë om onafhanklik en in spanverband te funksioneer; sterk rekenaar- en administratiewe vaardighede; kennis van die elektroniese onderrig-en leeromgewing; vermoë om inisiatief te kan neem en oplossingsgedrewe te wees; vermoë om werk onder druk te voltooi; ʼn ambassadeur vir Akademia wees deur te help om die instelling uit te bou en ʼn liefde vir Afrikaans te hê.
Akademia behou die reg voor om nie ʼn aanstelling te maak nie. Akademia is kragtens die Wet op Hoër Onderwys 75 van 1997 by die Departement van Hoër Onderwys en Opleiding geregistreer (registrasienommer: 2011/HE08/005). Akademia is deel van die Solidariteit Beweging.