Vil du vere bindeleddet som får tenestene til å henge saman?

Ingvill Sjøthun; Lærdalsøyri; On-site; NOK 520,000 - 700,000; Full time

Benefits offered by this job

Løn i tråd med KS

Gode pensjonsordningar

Gode personforsikringar

Fagleg utvikling

Inkluderande fagmiljø

Job summary

Lærdal kommune søker ein koordinator for personar med funksjonsnedsetjing i 100 % fast stilling. Tenesta yt OMSORG i heimen, på arbeidsplassen og i fritida, med mål om meistring og deltaking.

Du må ha 3-årig høgskuleutdanning innan helse og sosialfag, kunnskap om relevant lovverk og god digital kompetanse. Gode norskkunnskaper og strukturert arbeidsmokus er føresetnader.

Qualifications

• 3-årig høgskuleutdanning innan helse og sosialfag.
• Kunnskap om relevant lovverk i helse- og sosialfeltet.
• God digital kompetanse for dokumentasjon og oppfølging.

Responsibilities

• Leiar for koordinerande eining i tenesta.
• Koordinatoransvar for barn, vaksne og eldre med funksjonsnedsetjing; delta i ansvarsgruppar.
• Samarbeid med tenester og spesialisthelsetenesta.
• Ansvarleg for brukarstyrt personleg assistent (BPA) og avlastning.
• Superbrukar i Visma Samspill.
• Vidareutvikling av tenesta og prosjektarbeid.

Skills

Sjølvstendig arbeid

Gode samarbeidsevner

Systematisk arbeidsstil

Education

3-årig høgskuleutdanning innan helse og sosialfag

Job description

I Lærdal bur det berre rundt 2200 menneske, men jammen skjer det mykje her! Gjennom året byr me på store marknader, musikkfestival, matfestival, gytefestival (den må du nesten berre googla), varierte konsertar, motbakkeløp, terrengløp, fotballcup med gamle stjerner, vårfest – og mykje meir.

Me er omkransa av majestetiske fjell og har eit rikt utval av fantastiske turmoglegheiter, både til fots og på ski. Her finn du også ei mengd fiskevatn og gode jaktmoglegheiter. Sentrum er koseleg og sjarmerande, med gamle trehus som strekkjer seg heilt ned til fjorden. I den grøderike dalen dyrkar dyktige bønder poteter, grønsaker, bær og frukt i rikeleg monn.

Kommunen vår ligg faktisk svært sentralt til: Det tek om lag tre timar å køyra til Bergen og fire timar til Oslo. I tillegg ligg både «bygdebyen» Sogndal og turistmagneten Aurland berre ein dryg halvtime unna. Og ja – me har eige lokalsjukehus.

Me søkjer no etter koordinator for personar med funksjonsnedsetjing i 100 % fast stilling.

Bu- og miljøtenesta yter heildøgns omsorg og tenester til personar med funksjonsnedsetjing, psykiske lidingar og/eller rusutfordringar. Tenestene vert tilpassa den einskilde sine behov og vert gitt i heimen, på arbeidsplassen og i fritida. Målet er å fremje meistring, sjølvstende og deltaking i kvardagslivet.

Me ser etter deg som:

• trivst med å jobbe sjølvstendig
• har gode samarbeidsevner
• arbeidar målretta, systematisk og strukturert
• har gode norskkunnkaper og god skriftleg framstillingsevne

Arbeidsoppgåver som ligg til stillinga:

• leiar for koordinerande eining
• koordinatoransvar for born, vaksne og eldre personar med funksjonsnedsetjing. Delta i ansvarsgrupper knytt til den einskilde brukar
• samarbeid med ulike tenester og spesialisthelsetenesta
• ansvarleg for brukarstyrt personleg assistent (BPA), avlastning og omsorgsløn
• superbrukar i Visma Samspill
• vidareutvikling av tenesta og prosjektarbeid

Krav til utdanning og kompetanse:

• 3 årig høgskuleutdanning innan helse og sosialfag
• kunnskap om relevant lovverk
• god digital kompetanse

Me tilbyr:

• løn i tråd med hovudtariffavtalen i KS kap. 4
• gode pensjonsordningar gjennom medlemskap i KLP
• gode personforsikringar som ein del av tilsettingsforholdet
• eit godt og inkluderande fagmiljø med dyktige, kjekke og engasjerte kollegaer
• gode moglegheiter for fagleg utvikling og kompetanseheving

Det kan nemast at Lærdal kommune mellom anna har:

• full barnehagedekning
• gratis fulltids-SFO for 1. -og 2.klassingar, gratis deltids-SFO for 3.klasse
• gratis kommunale bustadtomter rett ved Borgund sentrum
• eit variert kommunalt kulturprogram i tillegg til alt det andre som skjer i bygda

Les meir om Lærdal ved å klikka på denne lenkja

Me ønskjer eit arbeidsmiljø prega av mangfald, og at dei tilsette hjå oss skal spegla samansetjinga i resten av befolkninga. Me oppmodar alle kvalifiserte søkjarar til å søkja stilling hjå oss, uavhengig av alder, funksjonsevne, kjønn eller minoritetsbakgrunn. Me legg til rette for arbeidsforholda dersom du har behov for det.

Etter at søknadsfristen har gått ut, vert det sett opp ei offentleg søkjarliste. Lista inneheld namn, alder, stilling eller yrkestittel, samt bustads- eller arbeidskommune for kvar søkjar. Det kan gjerast unntak frå innsyn i opplysningar om ein søkjar dersom vedkomande sjølv ber om det. Opplysningar om ein søkjar kan likevel verta offentlege sjølv om søkjaren har bede om å ikkje stå oppført på søkjarlista. Dersom anmodninga ikkje vert teken til følgje, vil søkjaren verta varsla om dette.