Namsfullmektig/førstekonsulent

Thomas Hammervold; Ålesund; On-site; NOK 530,000 - 590,000; Full time

Benefits offered by this job

Statens pensjonskasse

Fleksibel arbeidstid

Trening i arbeidstida

IA-bedrift fordeler

Job summary

Møre og Romsdal politidistrikt i Ålesund utlyser fast stilling som namsfullmektig/saksbehandlar ved Namsfogden i Ålesund. Stillinga krev sjølvstendig saksbehandling og rettleiing i utlegg, og tett publikumskontakt for å sikre riktig og rettferdig handsaming.

Høgskule- eller universitetsutdanning på bachelornivå er krav, samt god munnleg og skriftleg framstillingsevne på norsk. Løns- og tilsettingsvilkår er som føresett, og det tilbyr blant anna fleksibel arbeidstid og medlemskap i Statens

Qualifications

• God munnleg og skriftleg framstillingsevne på norsk.
• Økonomisk vederheftigheit og god etisk rapportering.
• Meirverdi av IT-kunnskap som arbeidsverktøy.
• Sjølvstendig og nøyaktig arbeismodus.

Responsibilities

• Sjølvstendig saksbehandling og rettleiing i utleggssaker.
• Publikumskontakt skriftleg og munnleg.
• Ha oversikt og kontroll over eigen portefølje.
• Bidra til fag- og kompetanseutvikling i eininga.
• Kan bli pålagt andre oppgåver.

Skills

Munnleg og skriftleg framstillingsevne

Økonomisk vederheftigheit

IT-bruk som arbeidsverkty

Serviceinnstilt

Education

Bachelorgrad i relevant område

Job description

Om stillinga

Møre og Romsdal politidistrikt har ledig ei fast stilling som namsfullmektig/saksbehandlar ved Namsfogden i Ålesund.

Namsfogden i Ålesund har ansvar for namsmannsoppgåver (utlegg, utkasting, tvangssal m.m.), stevnevitne, forliksråd og gjeldsordning for kommunane Ålesund, Haram, Giske, Sula og Fjord. Seksjonen har 13 tilsette med variert bakgrunn, utdanning, erfaring og alder. Stillinga har arbeidsstad på politihuset i Ålesund.

Vi er på jobb for eit trygt Noreg. Som ein del av politiet sitt viktige samfunnsoppdrag, skal vi førebyggje og nedkjempe kriminalitet, skape tryggleik og vareta rettstryggleiken.Vi trur at mangfald bidrar til betre oppgåveløysing, og søkjer derfor medarbeidarar med ulik bakgrunn, erfaring, perspektiv og kompetanse. Dersom du har behov for tilrettelegging i rekrutteringsprosessen eller arbeidskvardagen, vil vi gjere vårt beste for å gi deg det du treng.

Dette ser vi etter hos ein ny medarbeidar

Vi søkjer etter ein motivert og effektiv tilsett som ønskjer å bidra til og i eit godt fag- og arbeidsmiljø. Primære arbeidsoppgåver i stillinga vil vere innan utlegg.

Du kan arbeide sjølvstendig i eit hektisk arbeidsmiljø med mange gjeremål, og er komfortabel med direkte publikumskontakt. Du evner å styre din eigen kvardag og oppgåver. Motivasjon og om du er personleg eigna blir vektlagt.

Jobb hos Namsfogden i Ålesund krev at du er økonomisk vederheftig. Ved eit eventuelt intervju må du ta med deg utskrift av kredittinformasjon om deg sjølv for å vise at du ikkje har betalingsmerknadar. Dette kan ein hente ut gratis på nett. Kandidaten sjølv sladdar likningsopplysningar på utskrifta.

Arbeidsoppgåver

• sjølvstendig saksbehandling og rettleiing i utleggssaker
• publikumskontakt skriftleg og munnleg
• ha oversikt og kontroll over eigen portefølje
• bidra til eininga sitt arbeid innan fag- og kompetanseutvikling
• kan bli pålagt andre oppgåver

Kvalifikasjonar

Dette må du ha for å vere kvalifisert:

• høgskule- eller universitetsutdanning på bachelornivå. Lang og relevant arbeidserfaring kan kompensere for utdanningskravet.
• god munnleg og skriftleg framstillingsevne på norsk
• økonomisk vederheftigheit
• beherske bruk av IT som arbeidsverktøy
• plettfri vandel og vere skikka for teneste for å kunne bli tilsett i politiet. Uttømmande og utvida politiattest skal hentast inn og leggjast fram før ei eventuell tilsetjing. Ved vurderinga av om du er skikka for teneste i politiet, kan det bli henta inn opplysningar om deg frå registra til politiet.

Det er også ønskjeleg med

• juridisk og økonomisk kompetanse/forståing
• erfaring frå arbeid innan sivil rettspleie i politiet
• erfaring frå bank eller inkassoverksemd
• utdanning/spesialkurs innan sivil rettspleie
• innsikt i eller erfaring frå arbeid med økonomisk rettleiing/gjeldsrettleiing o.l.
• erfaring frå eller kunnskap om offentlig forvalting og sakshandsaming
• god munnleg og skriftleg framstillingsevne på engelsk
• førarkort klasse B

Personlege eigenskapar

• Du er motivert for oppgåvene som ligg til stillinga og for å arbeide innan den sivile rettspleia
• Du har forståing for rolla til namsmannen i samfunnet
• Du er serviceinnstilt og har evne til å kommunisere klart og tydeleg i møte med publikum
• Du er effektiv og nøyaktig
• Du er sjølvstendig og kan prioritere

Som medarbeidar i politiet har du høg etisk medvit, du blir kjenneteikna av å vere modig og heilskapsorientert, du viser respekt og er tett på. Du kan lese meir om dei etiske retningslinjene våre og medarbeidarplattformen her .

Dette kan vi tilby om du vel oss

• fast stilling som førstekonsulent (stillingskode 1408) med årslønn: kr. 530.000-590.000. For særskilt kvalifiserte kan noe høgare lønn vurderes.
• medlemskap i Statens pensjonskasse, med mellom anna gode pensjons- og forsikringsordningar. Les meir på www.spk.no . Det vert trekt to prosent frå løna til innskot i Statens pensjonskasse.
• fleksibel arbeidstid
• moglegheit for trening i arbeidstida
• tilknyting til bedriftshelsetjeneste og fordelar ved å tilhøyre ei IA-bedrift

Tilsetting skjer på vilkår fastsett i statsansatteloven og personalreglement for politiet, derunder at prøvetida er seks månadar.

Mangfald i politiet

Dersom du har funksjonsnedsetting, innvandrarbakgrunn eller hol i CV-en, er det høve til å krysse av for dette i søknaden. Er du kvalifisert for stillinga, vil du bli vurdert for positiv særbehandling. Det inneber at minst éin søkjar frå kvar av desse gruppene blir innkalla til intervju.

Les meir om positiv særbehandling når ein søkjer jobb i staten her .

Opplysningane du gir, blir brukt til å utarbeide anonymisert statistikk som alle statlege verksemder rapporterer i sine årsrapportar.

Video: https://www.youtube.com/watch?v=uUTjHmSB_Wc