Konsulent dokumentasjonsforvaltning 100% stilling

Aaslaug Søreide; Aukra; On-site; NOK 520,000 - 660,000; Full time

Benefits offered by this job

Pensjons- og forsikringer

Tarifflønn/tilsetjingsvilkår

Utdanningsstønad

Flyttegodtgjørelse

Job summary

Aukra kommune søker ein arkivkonsulent (arkivleiar) som vil vere med å sikre dokumentasjonsforvaltning, personvern og informasjonstryggleik. Du blir sentral i arbeidet med å forvalte informasjon og oppfylle lovkrav for befolkning og tilsette.

Du blir rådgivar for leiing og medarbeidarar, og ansvar for journalføring, kvalitetssikring og oppfølging av rutinar, samtidig som du bidreg til digitale arbeidsprosessar og løysingar i takt med nye krav.

Qualifications

• Relevant høgare utdanning innan arkiv, dokumentasjonsforvaltning, administrasjon eller tilsvarande.
• Være interessert i faga og motivert til å lære.
• Trive med struktur og sjølvstende, og like samarbeid.

Responsibilities

• Journalføring, kvalitetssikring og oppfølging av rutinar.
• Rådgiving og tilpassing av arbeidsprosessar.
• Vidareutvikling av digitale arbeidsprosessar og løysingar.
• Arbeidsoppgåvene vil utvikle seg i takt med behova i organisasjonen.
• Vere med på felles oppgåver på tvers av eininga.

Skills

Strukturert arbeid

Samarbeid

Initiativ

sjølvstendighet

Education

Relevant høgare utdanning innan arkiv, dokumentasjonsforvaltning, administrasjon eller tilsvarande

Job description

Vil du vere med å sikre hukommelsen og tilliten til kommunen?

Kvar dag tek kommunen avgjerder som påverkar livet til innbyggjarane. Dokumentasjon blir skapt, personopplysningar blir behandla, og viktig informasjon må vere tilgjengeleg, korrekt og trygg.

Vi har ei ledig 100% stilling som konsulent (arkivleiar) og no ser vi etter deg som vil vere med å ta ansvar for dette.

I denne rolla får du ei sentral oppgåve i arbeidet med dokumentasjonsforvaltning, personvern og informasjonstryggleik. Du bidreg til at kommunen forvaltar informasjon på ein måte som varetek rettane til innbyggjarar og tilsette, oppfyller lovkrav og styrkjer tilliten til kommunen.

Ei rolle med stor betydning

Du blir ein viktig rådgivar for leiarar og medarbeidarar i heile organisasjonen. Samtidig vil mykje av arbeidet handle om å sikre kvalitet i den daglege forvaltninga av kommunen sin dokumentasjon og informasjon.

Arbeidskvardagen omfattar både drift og utvikling innen dokumentasjonsforvaltning, arkiv, personvern og informasjonstryggleik. Oppgåvene spenner frå journalføring, kvalitetssikring og oppfølging av rutinar til rettleiing, rådgiving og forbetring av arbeidsprosessar. Samtidig får du vere med på å videreutvikle digitale arbeidsprosessar og løysingar i takt med nye krav og moglegheiter.

Arbeidsoppgåvene vil utvikle seg i takt med behova i organisasjonen. Som del av fagmiljøet vil du også bidra til felles oppgåver på tvers av eininga.

Vi ser etter deg som

helst har relevant høgare utdanning innan arkiv, dokumentasjonsforvaltning, administrasjon eller tilsvarande. Kanskje er du sterk innan eitt fagområde og ønskjer å utvikle deg vidare innan dei andre. Det viktigaste for oss er at du har interesse for faga og motivasjon til å lære.

Du er strukturert og sjølvstendig, men trivst også med samarbeid og relasjonsbygging. Du tek initiativ, bidreg til forbetringar og finn gode løysingar saman med andre. Vi trur du er nysgjerrig, utviklingsorientert, oppteken av kvalitet og motiverast av å skape orden, oversikt og gode arbeidsprosessar.

Hos oss treng du ikkje kunne alt frå dag éin. Vi legg til rette for fagleg utvikling gjennom kurs, nettverk og relevant etter- og vidareutdanning, og deler raust av kompetansen i organisasjonen.

Kvifor velje Aukra kommune?

Hos oss får du ein variert og meiningsfull arbeidskvardag der du er med på å sikre kvalitet, etterleving og gode arbeidsprosessar i heile organisasjonen. Du samarbeider tett med leiarar, fagmiljø og kommunane i Romsdalsregionen, som vi har eit tett samarbeid med gjennom felles IKT-samarbeid. Du får vere med på å videreutvikle fagområda.

Dette er meir enn ei fagstilling. Det handlar om å ta vare på kommunen si hukommelse, vere med på å sikre rettstryggleiken til innbyggjarar og tilsette, og bidra til at innbyggjarane kan ha tillit til kommunen også i framtida.

Vi tilbyr

• Godt arbeidsmiljø som du bidreg til
• Gode pensjons- og forsikringsordningar
• Kommunale tilsetjingsvilkår og løn etter tariff
• Ordning for utdanningsstønad frå eige fond for etter- og vidareutdanning
• Flyttegodtgjersle etter kommunalt regelverk

Prøvetid
Gjensidig effektiv prøvetid på 6 mnd.

Søkarliste
Om du ønsker å reservere deg frå oppføring på offentleg søkarliste, må du opplyse om og grunngje dette i søknaden.Opplysningar kan bli offentleggjort sjølv om du har bedt om ikkje å bli oppført på søkarlista, jfr. Offentleglova § 25. Dublir varsla dersom ønsket om reservasjon ikkje vert tatt til følge.