Rådgjevar Digital forretningsutviklar

Odda; New Jersey; On-site; USD 97,000 - 129,000; Full time

Benefits offered by this job

Gode offentlege pensjons- og forsikr.

Gode moglegheiter for fagleg utvikling

Job summary

Vestland fylkeskommune søker ein fagkoordinerande leiar for digitaliseringsarbeidet innan Infrastruktur og veg. Du skal samle og drive den digitale utviklinga på tvers av fagområde og knyte saman behov i verksemda med teknologi og digitale moglegheiter.

Du arbeider i skjeringspunktet mellom teknologi, menneske, arbeidsprosessar og verksemd og må forstå kva teknologien kan gjere – men vere endå meir oppteken av kva vi skal bruke han til.

Qualifications

• Relevant høyere utdanning, gjerne innan teknologi, industriell økonomi, økonomi, organisasjon eller liknande.
• Mastergrad er ein fordel, men relevant erfaring og dokumenterte resultat kan kompensere for formell utdanning.
• Du treng ikkje kunne fylkesveg når du byrjar.

Responsibilities

• Du får eit fagkoordinerande ansvar for digitaliseringsarbeidet i Infrastruktur og veg og rapporterer direkte til avdelingsleiar Vegfag.
• Rolla skal samle og drive den digitale utviklinga på tvers av fagområde og knyte saman behov i verksemda med teknologi og digitale moglegheiter.
• Du skal arbeide i skjeringspunktet mellom teknologi, menneske, arbeidsprosessar og verksemd.
• Du må forstå kva teknologien kan gjere – men vere endå meir oppteken av kva vi skal bruke han til.
• Du skal mellom anna:
• skape oversikt og retning i dei digitale initiativa våre
• hjelpe oss å prioritere det som gir størst verdi
• gjere digitaliseringsplanar om til konkrete tiltak og framdrift
• koordinere utviklingsarbeid mellom fagmiljø i Infrastruktur og veg, Vegdata, systemforvaltarar, IDI og andre relevante miljø
• drive og følgje opp digitaliserings- og forbetringsinitiativ
• støtte leiarar og fagmiljø når nye løysingar og arbeidsmåtar skal takast i bruk
• bidra til at vi byggjer digital kompetanse og større endringskraft i organisasjonen

Education

Relevant høyere utdanning (teknologi/industriell økonomi/økonomi/organisasjon)

Job description

Gjer teknologi til betre vegar
5600 kilometer fylkesveg. Over 2000 bruer. Nesten 300 tunnelar. Ferjekaier, store utbyggingsprosjekt, små tiltak, driftskontraktar, enorme datamengder – og ei verksemd med mykje meir digitalt potensial å hente ut.

Vi ser etter deg som kan hjelpe oss å gjere det.
Infrastruktur og veg i Vestland fylkeskommune planlegg, byggjer, driftar, vedlikeheld og forvaltar infrastrukturen som folk og næringsliv er avhengige av kvar einaste dag.
No vil vi bli langt betre til å bruke teknologi, data og digitale løysingar i måten vi arbeider på.
Vi har ikkje mangel på idear. Vi har fagfolk, system, data, prosjekt og mange digitale initiativ. Utfordringa er å sjå heilskapen, prioritere hardare og få meir av det gode arbeidet til å bli til faktisk endring.
Det er her du kjem inn.

Oppdraget ditt
Du får eit fagkoordinerande ansvar for digitaliseringsarbeidet i Infrastruktur og veg og rapporterer direkte til avdelingsleiar Vegfag. Rolla skal samle og drive den digitale utviklinga på tvers av fagområde og knyte saman behov i verksemda med teknologi og digitale moglegheiter.
Du skal arbeide i skjeringspunktet mellom teknologi, menneske, arbeidsprosessar og verksemd. Du må forstå kva teknologien kan gjere – men vere endå meir oppteken av kva vi skal bruke han til.

Du skal mellom anna:

• skape oversikt og retning i dei digitale initiativa våre
• hjelpe oss å prioritere det som gir størst verdi
• gjere digitaliseringsplanar om til konkrete tiltak og framdrift
• koordinere utviklingsarbeid mellom fagmiljø i Infrastruktur og veg, Vegdata, systemforvaltarar, IDI og andre relevante miljø
• drive og følgje opp digitaliserings- og forbetringsinitiativ
• støtte leiarar og fagmiljø når nye løysingar og arbeidsmåtar skal takast i bruk
• bidra til at vi byggjer digital kompetanse og større endringskraft i organisasjonen

Du får ikkje blanke ark
Og det meiner vi som noko positivt.
Du kjem inn i ei stor og kompleks verksemd med sterke fagmiljø, etablerte system, ulike behov, historikk og rammer vi må ta omsyn til.
Nokre gonger vil det vere openbert kva vi bør gjere. Andre gonger interessanne sprike, ressursane vere avgrensa og den perfekte løysinga ikkje finnast.

Vi treng ein person som liker akkurat det.

Ein som kan gå inn i kompleksiteten, forstå kva som eigentleg er problemet – og skape nok retning og framdrift til at noko skjer.

Kvifor denne jobben?
Fordi svært få digitaliseringsjobbar gir denne kombinasjonen:
Teknologi. Stor skala. Fysisk infrastruktur. Samfunnsoppdrag. Og reell påverknad.
Det du er med på å utvikle, kan påverke korleis vi planlegg investeringar, følgjer opp prosjekt, bruker data, driftar vegar og tunnelar og organiserer arbeidet til fleire hundre menneske.
Og du kjem inn medan mykje framleis kan formast.
Vi er ikkje ute etter ein som skal «forvalte digitalisering».
Vi ser etter ein som vil byggje digital gjennomføringsevne saman med oss.

Kvalifikasjonar

Vi ser føre oss at du har relevant høgare utdanning, gjerne innan teknologi, industriell økonomi, økonomi, organisasjon eller liknande. Mastergrad er ein fordel, men relevant erfaring og dokumenterte resultat kan kompensere for formell utdanning.
Du treng ikkje kunne fylkesveg når du byrjar.
Men du må ha lyst til å forstå verksemda vår.

Personlege eigenskapar

Du kjenner deg igjen i verdiane våre som er open, kompetent og modig.

Tre ting er særleg viktige for oss:
Du skaper framdrift.
Du ventar ikkje på at alle føresetnader skal vere perfekte før du tek neste steg.
Du får folk med deg.
Du kan utfordre, påverke og forklare – også når interesser og perspektiv er ulike.
Du skaper orden i kompleksitet.
Du klarer å sjå samanhengar, prioritere og gjere store problem handterlege.
Vi kjem til å vere meir opptekne av korleis du har gjort dette i praksis enn av kva adjektiv du brukar om deg sjølv.

• gode moglegheiter for fagleg utvikling
• gode offentlege pensjons- og forsikringsordningar

Kontorstad Bergen eller Leikanger.

Vestland fylkeskommune har ansvar for å utvikle Vestland fylke og å yte viktige tenester for samfunnet. Vi gir vidaregåande opplæring, tannhelsetenester og kollektivtransport til innbyggjarane i fylket. Vi har ansvar for vegsamband og legg til rette for næringsutvikling, fritidsopplevingar, kulturliv og inkludering. Klima og miljø er premiss for samfunnsutviklinga og som verdiskapingsfylke er Vestland ein nasjonalpådrivarfor eit desentralisert Noreg.

Vi skal vere ein trygg og inkluderande arbeidsplass for alle, uavhengig av kjønn, alder, etnisk bakgrunn, religion, livssyn, funksjonsevne, seksuell orientering og kjønnsidentitet. Hos oss jobbar vi aktivt med mangfald, inkludering og likestilling. Mangfald bidrar til auka innovasjon, berekraft, effektivitet, læring og trivsel. Vi vil at dei som jobbar hos oss skal spegle samfunnet i Vestland.

Vi gjer merksam på at i følgje offentleglova § 25, 2. ledd, kan opplysningar om søkjaren bli offentleggjort sjølv om du har oppmoda om å ikkje bli ført på offentleg søkjarliste. Dersom du har bedt om unntak frå offentleg søkjarliste vil du alltid bli varsla før søkjarlista blir offentleggjort.

Alle nye tilsetjingar blir gjort med ei prøvetid på 6 måneder. Administrasjonsmålet vårt er nynorsk.