Universitetslektor (vikariat) i kunsthistorie

Universitetet i Bergen; Bergen; On-site; NOK 653,000 - 693,000; Part time

Job summary

Universitetet i Bergen søker ein engasjert universitetslektor i kunsthistorie ved Institutt for lingvistiske, litterære og estetiske studier. Stillinga er eit mellombels vikariat på 50% med oppstart 01.01.2027 og varigheit til 31.12.2027, med moglegheit for forlenging.

Arbeidet omfattar undervisning av teoretiske og historiske emner innan kunsthistorie og deltaking i instituttets fagutvikling. Undervisningsspråket er norsk eller skandinavisk; noko undervisning på engelsk kan bli aktuelt.

Qualifications

• Dokumentert relevant praktisk-pedagogisk kompetanse frå utdanning eller røynsle med undervising og rettleiing.
• Ferdigheiter i norsk eller eit anna skandinavisk språk på minimum nivå B2.

Responsibilities

• Undervisning innan både teoretiske og historiske emner med eit bredt kunsthistorisk fokus (ca. 1400 til i dag).
• Å ta del i den faglege utviklinga ved instituttet.

Skills

Pedagogisk kompetanse

Norskspråk B2

Job description

UiB skal vere blant Europas fremste universitet, internasjonalt kjent for høg kvalitet i forsking og utdanning. Som samfunnsinstitusjon skal vi bidra til ei berekraftig og demokratisk utvikling og vere ein attraktiv og inkluderande studie- og arbeidsplass.

Video:

Vi søkjer ein engasjert og fagleg sterk kandidat til ei mellombels 50 % stilling som universitetslektor i kunsthistorie ved Institutt for lingvistiske, litterære og estetiske studium.

Stillinga er eit vikariat med planlagd oppstart 01.01.2027 og har varigheit til og med 31.12.2027 med moglegheit til forlenging.

Institutt for litterære, lingvistiske og estetiske studiar har kring 80 vitskapleg tilsette, 17 administrativt tilsette, rundt 40 ph.d.-kandidatar og 14 postdoktorar. Instituttet femner om faga allmenn litteraturvitskap, digital kultur, klassiske fag, kunsthistorie, nordisk litteratur, språk og fagdidaktikk, norrøn filologi, norsk som andrespråk, allmenn språkvitskap og teatervitskap. Instituttet er òg stolt vertskap for to senter, Senter for digitale forteljingar og Senter for norsk fagspråk, og for tre av dei viktigaste ordbøkene i Noreg.

I stillinga vil du mellom anna ha ansvar for:

• Undervisning innan både teoretiske og historiske emner med eit bredt kunsthistorisk fokus (ca. 1400 til i dag).
• Å ta del i den faglege utviklinga ved instituttet.

Undervisningsspråket er norsk eller eit anna skandinavisk språk. Det kan også bli aktuelt med noko undervisning på engelsk.

Kvalifikasjonar og personlege eigenskapar:

Søkjaren må ha:

• Dokumentert relevant praktisk-pedagogisk kompetanse frå utdanning eller røynsle med undervising og rettleiing.
• Ferdigheiter i norsk eller eit anna skandinavisk språk på minimum nivå B2.

Det er ein føremon med:

• Erfaring med undervisning og rettleiing i kunsthistorie på universitetsnivå.

Det blir lagt vekt på evne til å kombinere sjølvstendig arbeid med godt samarbeid, og til å engasjere studentar i læringsprosessen. Det blir òg lagt vekt på dei personlege eigenskapane til søkjaren og at vedkomande er personleg eigna for stillinga.

Tilsetjing i stillinga krev at ein har arbeidsplass ved Universitetet i Bergen tilsvarande stillingsprosenten, og at ein følger gjeldande retningslinjer.

• Høve til å byggje sterke faglege nettverk.
• Løn som universitetslektor (stillingskode 1009), som for tida svarar til ei brutto årsløn på kr 653 000 – 693 000 i full stilling. For særleg kvalifiserte søkjarar kan det bli aktuelt å vurdere høgare løn. Vidare lønsopprykk skjer etter ansiennitet i stillinga.
• Medlemskap i Statens pensjonskasse , som inneber ei trygg tenestepensjonsordning, moglegheit for uføre- og etterlatnepensjon, og tilgang til gunstige bustadlån.

Universitetet i Bergen nyttar meirinnsyn ved tilsetjing i vitskaplege stillingar. Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.

Vi oppmodar menn om å søkje. Dersom fleire søkjarar har tilnærma like kvalifikasjonar, gjeld reglane for moderat kjønnskvotering.

Mangfald er ein styrke og gjer at vi kan løyse oppgåvene våre endå betre. UiB treng difor kvalifiserte medarbeidarar uavhengig av kjønn, etnisitet, religion, livssyn, funksjonsnedsetjing, seksuell orientering, kjønnsidentitet, kjønnsuttrykk og alder.

Vi oppmodar søkjarar med funksjonsnedsetjing, innvandrarbakgrunn eller hól i CV-en til å søke. Dersom du kryssar av for dette i søknaden kan du bli positivt særbehandla. Vi inviterer alltid minst ein kvalifisert søkjar frå kvar av desse gruppene til intervju.

Universitetet i Bergen er ein anerkjend utdannings- og forskingsinstitusjon, organisert i sju fakultet og omlag 54 institutt og faglege senter. Campus ligg i sentrale delar av Bergen med universitetsområde på Nygårdshøyden, Haukeland, Marineholmen, Møllendalsveien og Årstad.

Utfyllande opplysningar om stillinga kan ein få ved å kontakte fagkoordinator, førsteamanuensis Monica Grini, e-post: [e-mail] , eller fungerande instituttleiar, professor Anders Gullestad, e-post: [e-mail] , telefon: [phone].