A complete application in a minute
Tailored resume and cover letter, ready to send.
Bjørgvin distriktpsykiatriske senter (DPS) i Bergen söker ein engasjert overlege i psykiatri til vår allmennpoliklinikk på Tertnes. Du blir ein del av eit stort fagmiljø med psykologar, overleger og spesialistar, og samarbeidar tett på tverrfaglege team.
Arbeidet omfattar utgreiing og behandling av eit breitt spekter av psykiske lidingar, med moglegheit for å kombinere spesialteam og gruppebehandling. Vi tilbyr eit godt arbeidsmiljø, fagleg utvikling og gode kommunale tilbod.
Bjørgvin distriktpsykiatriske senter (DPS) er ein del av Divisjon psykisk helsevern i Helse Bergen. Bjørgvin DPS er ein moderne og veldreven klinikk som gir psykiatriske spesialisthelsetenester til innbyggjarane i kommunane Alver, Austrheim, Fedje, Gulen, Masfjorden, Modalen og Osterøy, samt bydelane Arna og Åsane i Bergen kommune. Samla har klinikken eit opptaksområde med omtrent 80 000 innbyggjarar over 18 år.
Bjørgvin DPS har har ca 220 tilsette fordelt på vel 150 årsverk. Klinikken er lokalisert på Tertnes i Åsane og Knarvik i Alver kommune. Døgntilbodet er lokalisert på Tertnes, medan det polikliniske tilbodet går føre seg både i Knarvik og på Tertnes. Klinikken er delt i to fagområde psykose og allmennpsykiatri. I tillegg er Helse Bergen sitt eBehandlingstilbod ein del av Bjørgvin DPS.
Vi søker etter ein engasjert overlege i psykiatri som ønsker å vere ein del av det gode og varierte behandlingstilbodet vi har ved vår allmennpsykiatriske poliklinikk på Tertnes. Poliklinikken ligg sentralt i Åsane, med kort veg til Bergen sentrum. Dette er ein stor og velfungerande poliklinikk med eit godt arbeidsmiljømed mange sosiale arrangement i tillegg til tilsattrening i arbeidstida. Vi har eit av dei lengstlevande DBT-teama i Noreg har vi to allmennteam, eit Angst- og depresjonsteam, 4-dagars behandling for panikkliding og sosial angst, Nevroteam, Team i eksponerande traumeterapi, Team for spiseforstyrringar, ROP-team, Familieteam, Søvnteam og Akutt ambulant team som er tilgjengeleg alle dagar.
Bjørgvin si spennande gruppeavdeling er ein del av allmennpoliklinikken på Tertnes, med ulike samtalegrupper, uttrykksterapi, psykomotorisk fysioterapi, ernæringskonsulent og musikkterapi. Vi har og saman med Knarvik allmennpoliklinikk dei seinare åra bygd opp eit velfungerande MBT-Team. I jobben vil det bli lagt opp til stor grad av samarbeid på tvers av yrkesgrupper og vi har god erfaring med auka grad av oppgåvefordeling i pasientbehandlinga.
Du vil bli ein del av eit stort og solid fagmiljø på Bjørgvin, med ein stor andel svært erfarne og engasjerte høgskuleutdanna, og psykologar i tillegg til 14 andre overlegar, og meir enn 25 psykologspesialistar. Er du ein engasjert overlege som har lyst å jobbe i eit godt miljø, både fagleg og sosialt så vil vi gjerne høyre frå deg.
Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.
Helse Bergen, Haukeland universitetssjukehus, har nærare14.000 tilsette som har som mål å gi best mogleg helsehjelp til pasientane våre, og rett opplæring til pasientar og pårørande. Kvart år behandlar vi over 900.000 pasientar og bidreg i utdanninga av fleire tusen helsearbeidarar. Forsking og innovasjon er og viktige oppgåver i sjukehuset. Les meir på www.helse-bergen.no eller facebook .
Helse Vest skal så langt som råd avspegle mangfaldet i befolkninga. Vi ønsker å rekruttere medarbeidarar uavhengig av kjønn med ulik kompetanse, fagkombinasjonar, livserfaring og perspektiv for å bidra i spesialisthelsetenesta.