Fagspesialist identitets- og tilgangsstyring

Identitets- og tilgangsstyring, Helse Vest IKT; Bergen, Førde, Stavanger, Haugesund; On-site; NOK 900,000 - 1,200,000; Full time

Benefits offered by this job

Fleksibel arbeidstid

Pensjonsordning

Mulighet til fagleg utvikling

Job summary

Helse Vest IKT søker ein erfaren AD-spesialist som skal vidareutvikle identitetsplattformene på Vestlandet. Du blir ein nøkkelmedarbeidar i å sikre AD-miljøet, og du bidreg i overgangen til moderne protokollar som OAuth 2.0, OpenID Connect og SAML.

Arbeidsstad er Førde, Bergen, Haugesund eller Stavanger, med tydeleg fokus på sikkerheit og pålitelege identitetstenester i helsesektoren.

Qualifications

• Relevant høgare utdanning innan IT. Dette kan vere supplert av relevant erfaring.
• Solid erfaring med design, drift og sikring av Active Directory i store verksemder.
• Erfaring med sikkerheitsarbeid i AD og forståing av vanlege angrepsteknikkar mot identitetsinfrastruktur.
• God skriftleg og munnleg framstillingsevne på norsk.
• Kan tryggleiksklarerast i samsvar med verksemdsforskrifta § 69.

Responsibilities

• Forvalting, sikring og vidareutvikling av eit stort og komplekst AD-miljø.
• Vere ein pådrivar for å flytte applikasjonar og integrasjonar til modernare autentisering som OAuth 2.0, OIDC og SAML.
• Utarbeide, vedlikehalde og teste planar for gjenoppretting av AD og identitetstenester.
• Rådgje og samarbeide med fagmiljø, helseføretak og leverandørar.

Skills

AD design & security

AD operations

Norsk skriftlig/muntlig

Identity security

PowerShell/ automatisering

Education

Relevant høgare utdanning innan IT

Tools

Entra ID

Entra Connect

Cloud Sync

OAuth 2.0

OIDC

SAML

Job description

Helse Vest IKT leverer IKT-tenester til spesialisthelsetenesta på Vestlandet. Identitet er grunnmuren i alt vi leverer. Løysingane blir nytta av helsepersonell døgnet rundt og er kritiske for sjukehusa.

Active Directory er framleis kjernen i identitetsplattforma vår, og ho skal vere solid, sikker og godt forvalta. Samstundes er identitetsområdet i rask utvikling. Vi beveger oss mot skyidentitet og moderne protokollar som OAuth 2.0, OpenID Connect og SAML. Vi søkjer derfor ein erfaren AD-spesialist som ønskjer å vidareutvikle identitetsplattformene i Helse Vest.

Du får ei viktig rolle i fagmiljøet. Saman med resten av teamet vil du vere med på å sikre og vidareutvikle AD-plattforma, og vere ein pådrivar i overgangen til moderne identitetsløysingar. Vi arbeider aktivt for at pålogging til tenester skal vere brukervennleg, sikker og rask.

Arbeidsstad er Førde, Bergen, Haugesund eller Stavanger.

Arbeidsoppgåver

Active Directory

• Forvalting, sikring og vidareutvikling av eit stort og komplekst AD-miljø
• Sikkerheitsherding, privilegerte kontoar, delegering, Kerberos og gruppepolicyar
• Feilsøking og problemløysing på tredjelinjenivå

Modernisering og veien vidare

• Vere med på å utvikle og modernisere strategien innan identitetsområdet
• Vere ein pådrivar for å flytte applikasjonar og integrasjonar frå eldre autentisering (Kerberos/NTLM/LDAP) til OAuth 2.0, OIDC og SAML der det er formålstenleg
• Gje faglege råd om identitet og autentisering i nye løysingar og ved anskaffingar

Beredskap og gjenoppretting

• Utarbeide, vedlikehalde og teste planer for gjenoppretting av AD (forest recovery) og tilhøyrande identitetstenester
• Bidra til robuste tryggingskopi- og gjenopprettingsløysingar for identitetsplattforma, inkludert isolerte og uforanderlege kopiar
• Delta i beredskapsøvingar og handtering av hendingar, mellom anna ved sikkerhetshendingar som rammar identitetsinfrastrukturen

Rådgivning og samarbeid

• Vere fagleg rådgivar for eigne fagmiljø, helseføretak og leverandørar
• Bidra til etterleving av Normen, NIS2 og interne tryggleikskrav
• Dokumentere og dele kunnskap i fagmiljøet

Kvalifikasjonar

Du har desse kvalifikasjonane:

• Relevant høgare utdanning innan IT. Relevant arbeidserfaring og personlege eigenskapar kan kompensere for manglande formell utdanning.
• Solid erfaring med design, drift og sikring av Active Directory i store verksemder.
• Erfaring med sikkerheitsarbeid i AD og god forståing av vanlege angrepsteknikkar mot identitetsinfrastruktur.
• God skriftleg og munnleg framstillingsevne på norsk.
• Kan tryggleiksklarerast i samsvar med verksemdsforskrifta § 69.

Det er ein fordel om du har erfaring med:

• Forståing av AD-arkitektur, replisering, DNS, GPO, Kerberos/NTLM og delegering.
• Erfaring med Entra ID, hybrid identitet og Entra Connect / Cloud Sync.
• God forståing av moderne autentiserings- og autorisasjonsprotokollar (OAuth 2.0, OIDC og SAML), og motivasjon for å vidareutvikle denne kompetansen.
• Erfaring med andre identitetsleverandørar.
• Planlegging og testing av AD forest recovery eller annan beredskap for kritisk infrastruktur.
• PKI, særleg Microsoft AD CS.
• PAM-løysingar og livssyklusforvalting av identitetar.
• PowerShell eller anna automatisering.
• Erfaring frå helsesektoren eller andre verksemder med høge krav til sikkerheit og tilgjenge.

Personlege eigenskapar

• Du er nysgjerrig og likar å utforske ny teknologi. Samstundes veit du kva som skal til for å drifte kritiske system på ein trygg måte.
• Du er ein trygg rådgivar som kan forklare komplekse tema for både teknikarar og beslutningstakarar.
• Du er strukturert og grundig, har høg tryggleiksmedvit og held hovudet kaldt når det verkeleg gjeld.
• Du deler kunnskap og bidreg til å løfte kollegaene rundt deg.
• Personleg eignaheit vil bli vektlagd.

Vi tilbyr

• Interessante utfordringar med moglegheit for fagleg og personleg utvikling.
• Moglegheit til å forme framtidas IKT-løysingar innan helsesektoren.
• Meiningsfullt og samfunnsnyttig arbeid som bidreg til å forenkle pasientbehandlinga på Vestlandet.
• Deltaking i spennande oppgåver innan lokale og regionale prosjekt.
• Motiverte og kunnskapsrike kollegaer.
• Fleksibel arbeidstidsordning, inkludert fleksitid.
• Løn etter avtale.
• Medlemskap i KLP som sikrar gode pensjonsrettar.
• Ein trygg arbeidsplass med føreseielege rammer.

Kontaktinformasjon

Frode Langeland,Seksjonsleiar,[phone]

Arbeidsstad

Bjørnsons gate 29

5052Bergen

Nøkkelinformasjon:

Arbeidsgivar: Helse Vest IKT

Referansenr.: 5190689834

Stillingsprosent: 100%

Fast

Søknadsfrist: 09.11.2026

Seksjonsleiar

Føretaksgruppa i Helse Vest ønskjer å spegle mangfaldet i befolkninga i rekrutteringa vår. Vi oppmodar alle som er kvalifiserte til å søkje ledige stillingar uansett kjønn, alder, funksjonsevne og fleirkulturell bakgrunn, eller om du har hatt eit lengre opphald frå arbeidslivet. Føretaksgruppa i Helse Vest ønskjer å leggje til rette for inkluderande rekruttering.

Ortopedisk klinikk/ Ergoterapiavdelinga, Helse Bergen HF