Tilkallingsvikar: Helsetun og Heimetenester

Marit Irene Aas Nesheim; Aurland; On-site; NOK 320,000 - 460,000; Full time

Job description

Om stillinga

Me treng tilkallingsvikarar ved institusjonstenester og heimebaserte tenester.

Institusjonstenester og heimebaserte tenester er organisert i kommunalområde helse og omsorg.

Som tilkallingsvikar vil du få tilsendt spørsmål om ulike vakter, og du kan inn på turnusprogrammet og søke sjølv.

1. helsetun
2. kjøken
3. heimebaserte tenester
4. dagtilbod for heimebuande personar med kognitiv svikt

Arbeids- og ansvarsområde

• OPPGÅVER HELSETUNET:
  - pleie og omsorg til pasientane
  - hjelp til personleg hygiene
  - tilsyn
  - rapportere til sjukepleiar om pasientane sine behov og observasjonar / endringar
  - dokumentere / journalføre i elektronisk pasientjournal
  - vere med pasientane i aktivitetar ved avdelinga, turarmed elektrisk sykkel, gå- eller trille tur
  - sosialt samvær som til dømes: sjå bilde og film frå nær og fjern, lese avisa, songstund

  - frukost vakt

  OPPGÅVER HEIMEBASERTE TENESTER:
  - yte naudsynt helsehjelp, stell, pleie, tilrettelegging og god omsorg
  - sårstell
  - medikamentutdeling
  - førebyggande og rehabiliterande helsearbeid
  - samarbeid med forskjellige faggrupper og tverrfagleg samarbeid
  - hjelp til praktisk bistand

  - utlevering av middag

  OPPGÅVER DAGTILBOD:
  - delta i aktivitetar for og med heimebuande personar med kognitiv svikt
  - delta i drift av dagsenter
  - bidra til gode opplevingar ved måltida

  OPPGÅVER KJØKEN:
  - ulike oppgåver delegert frå kjøkenleiar
  - rapportere til kjøkenleiar om pasient eller brukarane sine behov og eventuelle endringar
  - delta i tillaging av mat / middag til helsetunet og til heimebuande

Me tilbyr

• bli ein del av ein triveleg arbeidsplass der arbeidsmiljø står i sentrum
• gode pensjons- og forsikringsordningar
• lønetter tariff (lokal stige for sjukepleiarar og vernepleiarar)
• tilbod om minimum 6 års tilleggsansiennitet for søkarar med fagbrev og høgskule
• ekstra laurdags- og søndagstillegg (+ kr 10 over tariff)
• studentar under høgskuleutdanning får startløn tilsvarande fagarbeidarstilling dersom utdanninga er relevant for stillinga.
• sjukepleie- og vernepleiestudentar som har fullført medikamentprøve får kr 10 000 i tillegg til tariffløn

Kvalifikasjonar

• For å dekke desse tenestene treng me sjukepleiarar, vernepleiarar, helsefagarbeidarar, miljøterapeutar, studentar og pleiemedarbeidarar / assistentar

Personlege eigenskapar

Me søker deg som har lyst til å jobbe med pasientar og brukarar. Det vert difor lagt stor vekt på personlege eigenskapar, og vi ynskjer at du;

• har interesse, og er motivert til å jobbe innan helse og omsorg
• er audmjuk, fleksibel og løysingsorientert
• har evne til samarbeid, og kan kommunisere godtmedpasientar,brukarar og kollegaer
• tek initiativ og er engasjert slik at trivnaden til pasient og brukar skal bli best mogleg
• har evne til å arbeide både sjølvstendig og i team
• har godt humør og er positiv
• tek nye utfordringar

Våre verdiar er: L-Æ-R, som står for Likeverd, Ærlegdom og Respekt.

Løns- og tilsetjingsvilkår

• tilsetting, løn og arbeidsvilkår i samsvar med gjeldande lover, reglement og tariffavtale
• du bør fylle 18 år i løpet av 2026/27, men yngre søkarar kan også få tilbod
• for å jobbe i heimetenesta må du ha førarkort, klasse B
• krav om ny politiattest jfr. helsepersonellova av nyare dato

Krav til språk

Du bør kommunisere godt på norsk, både munnleg og skriftleg. Aurland kommune nyttar nynorsk som målform.

Generell informasjon

Me oppfordrar oss til likestilling og forebygger diskriminering for alle, uavhengig av alder, kjønn, funksjonsevne eller etnisk bakgrunn.