Seniorrådgjevar/rådgjevar

Direktoratet for samfunnssikkerhet og beredskap (DSB); Tønsberg; On-site; NOK 630,000 - 840,000; Full time

Benefits offered by this job

SPK pensjonsfordeler

Fleksibel arbeidstid

Bedriftshelsetjeneste

Trening i arbeidstida

Mobilt kontor

Job summary

Direktoratet for samfunnstryggleik og beredskap (DSB) søkjer ein rådgjevar i Tønsberg for å bidra til å forstå framtidas risikobilete og utvikle kunnskapsgrunnlaget for viktige avgjerder innan samfunnstryggleik. Stillinga krev mastergrad eller tilsvarande og erfaring med komplekse analysar.

Du vil arbeide med strategiske analysar, tilsyn og utvikling av verktøy inkludert KI, og samarbeide tett med offentlege, private og frivillige aktørar. Fast stilling i DSB på hovudkontoret i Tønsberg.

Qualifications

• Hovudkrav er relevante høgare utdanning på masternivå eller tilsvarande, eller bachelor med særleg relevant erfaring.
• Eksepsjonell erfaring frå analyse- og utgreiingsarbeid.
• God skriftleg og munnleg framstillingsevne på norsk.

Responsibilities

• utarbeide analysar og utgreiingar innan fagavdelinga
• formidle risiko og sårbarheit gjennom rettleiing og rådgjeving
• vidareutvikle metodikk for evaluering av øvingar og hendingar
• vidareutvikle bruken av digitale verktøy for analyse og formidling inkludert KI
• vidareutvikle tilsyn som verkemiddel og planleggje tilsyn med departementets arbeid
• samarbeide med offentlege, private og frivillige aktørar og bidra i DSB si kriseorganisasjon

Skills

Analytisk tenkning

Kommunikasjon

Norsk skriftleg/munnleg

Education

Mastergrad eller tilsvarande

Tools

KI-bruk

Job description

Direktoratet for samfunnstryggleik og beredskap (DSB) søkjer ein rådgjevar som vil bidra til å forstå framtidas risikobilete og utvikle kunnskapsgrunnlaget for viktige avgjerder innan samfunnstryggleik. Du får arbeide med mellom anna strategiske analysar og nasjonale planleggingsgrunnlag, samstundes som du bidreg til å gjere Noreg betre rusta for framtidige utfordringar. Dette er ei unik moglegheit for deg som vil bruke fagkompetansen din til å gjere ein skilnad.

Du skal:

• utarbeide analysar og utgreiingar innan ansvarsområda til fagavdelinga
• formidle kunnskap om risiko og sårbarheit gjennom rettleiing, kommunikasjon og rådgjeving på tvers av forvaltningsområde og i heile krisespekteret
• vidareutvikle og forvalte metodikk for evaluering av øvingar og hendingar
• vidareutvikle bruken av digitale verktøy for analyse, presentasjon og formidling innan fagområda til seksjonen, inkludert kunstig intelligens (KI)
• vidareutvikle tilsyn som verkemiddel, samt planleggje, gjennomføre og følgje opp tilsyn med departementa sitt arbeid med samfunnstryggleik og rettleie statsforvaltarane i oppfølginga av kommunal beredskapsplikt
• samarbeide tett med aktørar i offentleg, privat og frivillig sektor, mellom anna relevante aktørar i totalforsvaret
• bidra i DSB si kriseorganisasjon ved behov

Kvalifikasjonar

Du må ha:

• relevant høgare utdanning på masternivå eller tilsvarande. Relevant bachelorgrad kombinert med særleg relevant erfaring kan kompensere for kravet om mastergrad. Utdanning frå utlandet må vere godkjend av Direktoratet for høgare utdanning og kompetanse
• erfaring med større analysar og utgreiingsarbeid
• svært god skriftleg og munnleg framstillingsevne på norsk
• følgjande personlege eigenskapar:
  • strukturert og analytisk – du ser samanhengar, heilskapen og har strategisk forståing
  • initiativrik – du bidreg med konkrete løysingar
  • gode kommunikasjonsevner – du skaper tillit og god dialog med andre fagmiljø
  • lagspelar – du samarbeider godt og deler kunnskap, erfaring og informasjon

Vi ønskjer at du har:

• studieretning eller kurs som omfattar faga samfunnstryggleik, beredskap, risikostyring, kommunikasjon og formidling
• erfaring frå arbeid med samfunnstryggleik, kritiske samfunnsfunksjonar, risiko- og sårbarheitsanalysar, kommunikasjon og formidling og/eller sivil-militært samarbeid
• erfaring frå offentleg forvaltning eller privat næringsliv
• erfaring med rettleiing og presentasjon av komplekst datamateriale, inkludert bruk av KI
• god skriftleg og munnleg framstillingsevne på engelsk

Vilkår

Fast stilling som rådgjevar (stillingskode 1434) med årsløn frå kr 630 000 til 740 000, eller som seniorrådgjevar (stillingskode 1364) med årsløn fråkr 700 000 til 840 000.

Sikkerhetsklarering

Den som får tilbod om stillinga, må kunne sikkerhetsklareras for HEMMELEG før tiltreding.

Om avdelinga, seksjonen og stillinga

Avdeling for totalforsvar og analyse (TAN) har 60 tilsette og tek vare på DSB si samordningsrolle ved å støtte Justis- og beredskapsdepartementet sitt samordningsansvar innan samfunnstryggleik og beredskap. Dette inneber mellom anna å ha oversikt over utviklinga i risiko og sårbarheit, videreutvikle totalforsvaret, gjennomføre tverrsektorielle øvingar, koordinere planverk og bidra i arbeidet med å byggje robuste samfunn. Avdelinga har eit omfattande samarbeid med aktørar på kommunalt, regionalt og sentralt nivå, samt med frivillige organisasjonar og næringsliv. Avdelinga er òg pådrivar og koordinator for DSB sitt internasjonale arbeid, slik at DSB følgjer opp sine forpliktingar på relevante internasjonale arenaer.

Seksjon for strategisk analyse og evaluering (SAN) består av 16 medarbeidarar. Seksjonen har ei samordnings- og pådrivarrolle for samfunnstryggleik i samfunns- og arealplanlegginga. Vi skal bidra til eit oppdatert kunnskapsgrunnlag om risiko og sårbarheit i samfunnet og driv med omfattande analyseverksemd og metodeutvikling. Seksjonen har òg ansvaret for å gjennomføre tilsyn med departementa sitt arbeid med samfunnstryggleik og beredskap, samt følgje opp og rettleie statsforvaltarane i deira tilsyn med kommunane innan kommunal beredskapsplikt. Seksjonen har eit særleg ansvar for å evaluere tverrsektorielle øvingar og hendingar, samt systematisere og analysere læringspunkt.

Stillingane har arbeidsstad ved hovudkontoret vårt i Tønsberg.

Bli betre kjend med Cathrine som jobbar i seksjon for Strategisk analyse og evaluering

Cathrine om å jobbe med klimaendringer (https://www.dsb.no/om-dsb/jobb-i-dsb/vare-historier/cathrine-om-a-jobbe-med-klimaendringer/).

Du kan også lese meir om arbeidskvardagen til fleir av DSB sine dyktige tilsette her: Våre historier (www.dsb.no/intervjuer).

Om DSB

Direktoratet for samfunnstryggleik og beredskap (DSB) skal ha oversikt over risiko og sårbarheit i samfunnet. Vi er pådrivar i arbeidet med å førebyggje ulukker og kriser, og bidreg til effektiv ulukkes- og krisehandtering. Hovudkontoret ligg i Tønsberg, og vi har einingar over heile landet. Til saman er vi ca. 800 tilsette. DSB er underlagt Justis- og beredskapsdepartementet.

Om å jobbe i DSB

Risiko og sårbarheit i samfunnet er i stadig endring. Difforem er DSB ein organisasjon i kontinuerleg utvikling. Vi treng medarbeidarar som er tillitskapande, kompetente og gode lagspelarar, og som aktivt bidreg til fornying og forbetring. Som tilsett i DSB er du med på å løyse eit viktig samfunnsoppdrag, saman med dyktige og dedikerte kollegaer. Vi ønskjer oss auka mangfald i organisasjonen, og håpar derfor at også kvalifiserte personar med innvandrarbakgrunn, hol i CV-en eller nedsett funksjonsevne vil søkje hos oss. DSB er ein stabil arbeidsgjevar med gode velferdsordningar. For å arbeida i DSB må du vera tryggleiksmessig skikka og medverke til ein god kultur for tryggleik. Les meir om tryggleik i DSB på www.dsb.no/sikkerhet-i-dsb

Hos oss får du

• medlemskap i Statens pensjonskasse (SPK). Som medlem får du verdifulle fordelar gjennom særs gode pensjons-, forsikrings- og boliglånordningar. Les meir om medlemsfordelane på www.spk.no/Medlemskap-i-SPK/
• fleksibel arbeidstid
• bedriftshelseteneste
• høve til å trene i arbeidstida
• tilrettelagt for mobilt kontor når det er føremålstenleg

I Arbeidsgivarportalen kan du lese meir om goda ved å jobbe i staten: https://arbeidsgiver.dfo.no/lonn-goder-og-reise

Offentlig søkjarliste

Det vil bli utarbeidd offentleg søkjarliste ved søknadsfristens utløp, jf. Offentleglova §25. Du har høve til å be om unntak fra offentleg innsyn. Dersom du ikkje får innvilga dette, vil du bli varsla om det før søkjarlistene blir utarbeidde. Sjølv om du har fått innvilga unntak fra offentlegheit, vil du framkomme på ei utvida søkjarliste. Denne er berre tilgjengeleg på førespurnad frå andre søkjarar til stillinga.

Velkomen som søkjar hos oss!