Seniorkonsulent ved Psykologisk institutt

Dordi Stavik; Oslo; On-site; NOK 620,000 - 690,000; Full time

Benefits offered by this job

Gode velferdsordningar

Trening i arbeidstida

Pensjonsordning

Lønnssats 1363

Job summary

Universitetet i Oslo i Oslo søker ein Seniorkonsulent i Psykologisk institutt som vil ha ansvar for årseininga og bachelorprogrammet i psykologi.

Stillinga inngår i studieavdelinga og krev samarbeid med emneansvarlege, programleiing og administrasjon ved institutt og fakultet.

Vi søkjer ei strukturert og løysingsorientert person som er serviceinnstilt og har god evne til å samarbeide med ulike aktørar.

Qualifications

• Hoegare utdanning på minimum bachelornivå
• Relevant arbeidserfaring frå universitets- og høgskulesektoren innan studieadministrativt arbeid
• Kjennskap til lover og regelverk for høgare utdanning
• Gode IT-kunnskapar og evne til ta i bruk digitale verktøy og system
• Velsigna munnleg og skriftleg framstillingsevne på norsk og engelsk

Responsibilities

• Med studieadministrativt ansvar for årseininga og bachelorprogrammet i psykologi
• Sakshandsaming av godkjenning av ekstern utdanning og endringar i studieplanar
• Bistå med studentutveksling, inkludert opptak og kontakt med internasjonale universitet
• Bistå med rekruttering og oppfølging av seminarleiarar og kontraktar
• Ansvar for manuell oppmelding og sakshandsaming av søknadar om seminarbyte
• Bistå ved opptak til masterprogrammet
• Registrering av timerekneskap for fagleg tilsette
• Tilrettelegging og fleksible arbeidsoppgåver ved behov

Job description

Om stillinga

Det samfunnsvitskaplege fakultet, Psykologisk institutt, søkjer ein ryddig, nøyaktig og omgjengeleg studiekonsulent i fast stilling som Seniorkonsulent (SKO 1363). Den som blir tilsett vil få ansvaret for årseininga og bachelorprogrammet i psykologi.

Stillinga vil inngå i instituttets studieavdeling med 12 dyktige tilsette og føreset tett samarbeid med emneansvarlege, programleiing og administrasjon ved både institutt og fakultet. Studieavdelinga jobbar med eit breitt spenn av oppgåver innanfor studiefeltet, har tidvis høgt tempo, eit kjekt arbeidsmiljø og god samarbeidskultur.

Meir om Psykologisk institutt (PSI)
Psykologisk institutt har høg aktivitet og er Norge sitt høgast rangerte miljø for psykologi. Våre forskarar hevdar seg med fagleg sterke forskingsmiljø med høg søknadsaktivitet og ein innhaldsrik prosjektportefølje inkludert fleire ERC-prosjekt. Instituttet har stor aktivitet og eit internasjonalt miljø som stiller høge krav til vår administrasjon. Studietilbodet er eit av Noreg sine mest populære og omfattar nær 2000 studentar fordelt på bachelorprogram, masterprogram og årseining i psykologi, profesjonsstudiet i psykologi, i tillegg til forskarutdanninga (Ph.d.-grad), etter- og videreutdanningstilbod.

Dine arbeidsoppgåver vil i hovudsak vere

• Den som blir tilsett vil få studieadministrativt ansvar for årseininga og bachelorprogrammet i psykologi. Dette inkluderer mottak og rettleiing av studentar, undervisningsplanlegging, halde informasjonsmøte, kvalitetssikre og oppdatere informasjon om programmet på våre nettsider og andre tilhøyrande oppgåver.
• Sakshandsaming av godkjenning av ekstern utdanning og endring i studieplanar
• Bistå med studentutveksling ved instituttet, inkludert opptak, registrering, kontakt med studentar og universitet i utlandet.
• Bistå med rekruttering og oppfølging av seminarleiarar, inkludert oppretting av time- og oppdragskontrakt.
• Ansvar for manuell oppmelding og sakshandsaming av søknadar om seminarbyte i samarbeid med eksamenskonsulent.
• Bistå ved opptak til masterprogrammet.
• Registrering av timerekneskap for fagleg tilsette.

Andre oppgåver kan bli lagt til stillinga dersom omsynet til instituttet si verksemd tilseier dette. Vi ynskjer difor en person som er fleksibel og løysningsorientert som kan hjelpe til med å løyse instituttets oppgåver når det trengs.

Kvalifikasjonar

Kvalifikasjonskrav

• Høgare utdanning på minimum bachelornivå. Dokumentert relevant realkompetanse for dei aktuelle oppgåvene kan i særskilte tilfelle kompensere for utdanningskravet.
• Relevant arbeidserfaring frå universitets- og høgskulesektoren innan studieadministrativt arbeid.
• Kjennskap til lover og regelverk for høgare utdanning.
• Gode IT-kunnskapar og evne til ta i bruk nye digitale verktøy og system.
• Du må ha svært god munnleg og skriftleg framstillingsevne på både norsk og engelsk.

Kompetanse og erfaring som vil vere ein fordel

• Erfaring med relevante system og arbeidsverktøy, mellom anna Felles Studentsystem (FS), timeplanleggingssystem (TP), digital læringsplattform (Canvas), og arkivsystem (WebSak) m.m.
• Administrativ erfaring med studentutveksling.
• Erfaring med godkjenning og vurdering av ekstern utdanning.
• Kjennskap til eller erfaring med instituttet sine fagområde og studieprogram

Vi søkjer deg som er

• Strukturert og sjølvstendig med evne til å handtere fleire oppgåver samstundes.
• God til å samarbeide og har gode organisatoriske eigenskapar.
• Nøyaktig, detaljorientert og har god gjennomføringsevne.
• Serviceinnstilt og profesjonell i din kommunikasjon med ulike aktørar.

At du er personleg eigna og motivert til stillinga vil bli tillagt vekt.

Vi treng ulike perspektiv i arbeidet vårt

UiO er eit ope og internasjonalt breiddeuniversitet, og ønskjer å vere ein inkluderande og mangfaldig arbeidsplass og studiestad. Les meir om UiOs arbeid for likestilling, inkludering og mangfald på uio.no .

Vi løyser samfunnsoppdraget vårt best når vi tek i bruk dei ulike erfaringane, bakgrunnane og perspektiva våre. Vi ønskjer oss fleire gode kollegaer – kanskje den neste er deg?

Vi vil leggje til rette dersom du har behov for det. Aktuell tilrettelegging kan til dømes vere endring av arbeidstid, tilpassing av arbeidsoppgåver, digital, teknisk eller fysisk tilrettelegging, eller andre praktiske tilpassingar.

Har du innvandrarbakgrunn, funksjonsnedsetjing eller hol i CV-en, oppmodar vi deg til å krysse av for dette i jobbsøkarportalen. Vi kallar alltid inn minst éin kvalifisert søkjar frå kvar gruppe til intervju. Med funksjonsnedsetjing mener vi her ein søkjar som oppgjer å ha ei funksjonsnedsetjing som vil medføre tilrettelegging på arbeidsplassen eller i arbeidsforholdet. Les meir om krava på Arbeidsgivarportalen .

Avkryssingane i jobbsøkarportalen blir brukte til anonymisert statistikk som alle statlege verksemder rapporterer i årsrapportane sine.

Vi håpar du søkjer på stillinga hos oss.

Vi tilbyr

• Ein spennande arbeidsplass med hyggelege kollegaer, både administrativt og vitskapleg tilsette
• Gode velferdsordningar.
• Moglegheit for inntil 1,5 time i veka med trening i arbeidstida.
• Medlemskap i Statens Pensjonskasse , som er ein av Noregs beste pensjonsordningar med gunstige bustadlån og gode forsikringsordningar.
• Lønn som seniorkonsulent, stillingskode 1363 i lønnsspenn frå NOK 620 000 til 690 000 avhengig av kompetanse og erfaring. Frå lønna vert det trekt 2 prosent i lovfesta innskot til Statens Pensjonskasse.

Les meir om fordelane med å jobbe i staten i Arbeidsgjevarportalen.

Generell informasjon

Ver venleg å merke at vi ikkje kan leggje til dokumentasjon etter søknadsfristen. Sidan fristen er lik for alle søkjarar, skal denne praksisen sikre likebehandling gjennom heile rekrutteringsprosessen. Dersom du opplever problem med å laste opp dokument i Jobbnorge, ber vi deg kontakte kundeservicen deira.

Den viktigaste kommunikasjonsforma gjennom prosessen vil vere e-postar og meldingar via Jobbnorge. Når du får varsel om ei melding i Jobbnorge, ber vi deg logge inn for å lese ho, då ho kan innehalde viktig informasjon.

Aktuelle søkjarar vil bli invitert til intervju.

Søkerlister kan bli offentleggjort iht. Offentleglova § 25 andre ledd. Når du søker jobb hos oss, vil namnet ditt stå på den offentlege søkarlista. Det er mogleg å be om å bli unntatt denne lista. Du må grunngje kvifor du ønskjer unntak fra offentleggjering, og vi tek deretter stilling til om vi kan innvilge ønsket ditt. Kan vi ikkje det, vil du høyre frå oss.