Barnehagelærar/pedagogisk leiar

Elling Bjarneson Venjum; Luster; On-site; NOK 650,000 - 800,000; Full time

Job summary

Indre Hafslo oppvekstsenter i Luster kommune søker pedagogisk leiar i 100% vikariat frå 1. januar 2026 til 31. desember 2027. Du vil leia det pedagogiske arbeidet i Småbarnsavdeling og samarbeide tett med skulen.

Du bør ha barnehagelærarutdanning eller tilsvarande, vere god i norsk og kunne gi tydelig rettleiing til tilsette. Nyutdanna er og velkomne; løn etter tariff og pensjonsordningar vert gitt.

Qualifications

• Du har barnehagelærarutdanning eller anna utdanning som oppfyller krava til pedagogisk leiar etter barnehagelova § 25.
• Du kommuniserer godt på norsk, munnleg og skriftleg.
• Du legg vekt på barnas perspektiv og naturen i pedagogikken.
• Erfaring frå barnehage og pedagogisk leiing er ein fordel; nyutdanna er velkomne.

Responsibilities

• Leie planlegging, gjennomføring og vurdering av det pedagogiske arbeidet i tråd med rammeplanen.
• Vere ein nærverande vaksen som støttar barna i leik, samspel og meistring.
• Rettleie medarbeidarar og utvikle praksisen saman med kollegaene.
• Samarbeide med føresette og følgje opp barna sine behov.
• Delta i utviklingsarbeidet og samarbeidet mellom barnehagen og skulen.

Skills

Kommunikasjon

Ledelse

Norsk språk

Education

Barnehagelærarutdanning eller liknande

Job description

Vil du ta del i eit pedagogisk arbeid med leik, natur og trygge relasjonar i sentrum? På Indre Hafslo får du skogen tett på og kollegaer i både barnehage og skule å samarbeide med.

Me søkjer pedagogisk leiar til 100 % vikariat i barnehagen.

• Arbeidsstad: Indre Hafslo oppvekstsenter, Luster kommune.

• Periode: Oppstart etter avtale, seinast 1.januar 2026. Vikariatet varar til 31.desember 2027.

• Avdeling eller aldersgruppe: Småbarn, moglegheitar for storbarn om ynskje.

• Søknadsfrist:18.oktober. Søkjarar kan bli kalla inn fortløpande til intervju.

Ein kvardag med rom for leik og utforsking

Uteområdet og skogen like ved er ein del av kvardagen vår. Me følgjer barna si undring og brukar naturen til leik, rørsle og utforsking. Som pedagog/pedagogisk leiar får du vere med og utvikle dette arbeidet og leggje til rette for at alle barna kan delta.

Barnehagen har moderne lokale og held til under same tak som skulen. Me samarbeider om utviklingsarbeid og trygge overgangar. Det gir deg høve til å dele erfaringar på tvers og bidra til samanheng i barna sin kvardag.

Dette blir oppgåvene dine

• Leie planlegging, gjennomføring og vurdering av det pedagogiske arbeidet i tråd med rammeplanen.

• Vere ein nærverande vaksen som støtter barna i leik, samspel og meistring.

• Rettleie medarbeidarar og utvikle praksisen saman med kollegaene dine.

• Samarbeide med føresette og følgje opp barna sine behov.

• Delta i utviklingsarbeidet og samarbeidet mellom barnehagen og skulen.

Kven ser me etter

• Du har barnehagelærarutdanning eller anna utdanning som oppfyller krava til pedagogisk leiar etter barnehagelova § 25.

• Du kommuniserer godt på norsk, munnleg og skriftleg. Ved utanlandske yrkeskvalifikasjonar gjeld krav om godkjenning og dokumentasjon av norskferdigheiter etter gjeldande regelverk.

• Me ser etter deg som tek barna sine perspektiv på alvor, ønskjer å bruke naturen i det pedagogiske arbeidet og kan gi medarbeidarar tydeleg og støttande rettleiing. Du deler erfaringar, lyttar til andre og følgjer opp det de blir einige om.

• Erfaring frå barnehage og pedagogisk leiing er ein fordel. Nyutdanna er òg velkomne til å søkje.

• Me legg vekt på korleis du kan fylle oppgåvene og bidra i samarbeidet.

Dette tilbyr me

• Moderne barnehagelokale med skog og natur tett på.

• Samarbeid med kollegaer i både barnehage og skule.

• Høve til å påverke pedagogisk praksis og delta i felles utviklingsarbeid.

• Løn etter gjeldande tariff og avtaleverk, og kommunale pensjons- og forsikringsordningar.

Praktiske opplysningar

Den som blir tilsett, må leggje fram politiattest etter barnehagelova § 30 før oppstart. Administrasjonsmålet i Luster kommune er nynorsk. Me oppmodar alle kvalifiserte kandidatar til å søkje.

Opplysningar om søkjaren kan bli offentlege sjølv om søkjaren ber om unntak frå offentleg søkjarliste, jf. offentleglova § 25. Du blir varsla dersom oppmodinga om unntak ikkje blir teken til følgje.