Wastewater Network Maintenance and Repair Team Lead - Bannow Road

Irish Water; Dublin; Presencial; EUR 60.000 - 85.000; Jornada completa

Descripción de la vacante

Is é Irish Water an chúram oibre ar Líonra Seirbhíse Uisce na hÉireann. Tá freagrachtaí forleathacha ag an bhfoireann Bainistíochta Oibríochtaí maidir le caighdeáin oibriúcháin, cothabháil agus freagra ar thimpeallachtaí éagsúla.

Beidh mar aidhm an ról seo stocaireacht a chinntú, siostaim rialaithe a chur i bhfeidhm agus freagairt ar mhainneachtáin ar fud na líonra fuíolluisce agus uisce a dhéanamh ar bhealach sábháilte agus éifeachtach.

Responsabilidades

• Freagrach as obair oibrefoirme oibreacha líonra agus bainistíocht na foirne, ag soláthar treorach agus scileanna riachtanacha.

Descripción del empleo

Is sinne Uisce Éireann. Gach lá, bímid freagrach as seirbhísí uisce atá slán, sábháilte agus inbhuanaithe a sholáthar do mhuintir na hÉireann. Mar fhóntas uisce rialáilte náisiúnta na hÉireann, is í ár bhfís go mbeidh Éire inbhuanaithe ann ina bhfuil meas ar uisce agus ina bhfuil sé cosanta, don domhan agus do na saolta uile a gcothaítear leis.

Is é an cuspóir atá ag Uisce Éireann ná a bheith inchurtha leis an dúshlán a bhaineann le seirbhísí bunathraitheacha uisce a sholáthar chun go mbeidh rath ar phobail. Ciallaíonn sé sin go bhfuilimid bródúil as an bhfreagracht a ghlacadh as ár soláthar uisce a chosaint agus córas sábháilte uisce a chur ar aghaidh chuig daonra atá ag fás go tapa agus fás sóisialta agus eacnamaíoch na hÉireann a chumhachtú.

Táimid paiseanta faoi chumhacht a thabhairt dár ndaoine, iad a chumasú tionchar dearfach a bheith acu ar phobail ar fud na hÉireann. Tá comhfhís agus comhchuspóir mar threoir againn, agus cloímid le luachanna a shainíonn cé sinne agus a mhúnlaíonn an chaoi a n-oibrímid, áit a bhfreastalaímid ar chustaiméirí agus ar phobail, a n-oibrímid níos fearr le chéile, a ndéanaimid an rud ceart, a mbíonn uaillmhianta againn, agus a gcoinnímid a chéile slán. Is trínár n-iompar a shainítear an chaoi a ndéanaimid caidreamh agus cumarsáid le chéile, agus a mbíonn rath orainn le chéile. Baineann na luachanna agus an t-iompar seo le gach duine againn, thar gach ról, suíomh, agus leibhéal.

Is é an sprioc atá againn daoine oilte agus cumasacha ó chúlraí éagsúla a mhealladh agus a fhorbairt, agus tabharfaidh na daoine sin raon dinimiciúil saineolais agus léargas chuig ár gcuid oibre. Agus lucht saothair láidir luachbhunaithe ag Uisce Éireann, cinntítear gur féidir linn seirbhísí uisce na hÉireann a chur chun cinn agus freastal ar riachtanais na bpobal a bhfreastalaímid orthu, agus gur féidir linn leanúint ar aghaidh leis an obair sin do na glúnta atá le teacht.

An Ról:

Is bunchloch í an fheidhm Oibríochtaí Sócmhainní maidir le seachadadh seirbhíse do chustaiméirí, an comhshaol a chosaint agus na caighdeáin rialála a chomhlíonadh chomh maith le formhór an chaiteachais oibriúcháin a bhainistiú. Tá freagracht ar réimse feidhme na nOibríochtaí Sócmhainní as straitéis oibríochta agus cothabhála, beartais, pleanáil agus nósanna imeachta oibríochta caighdeánacha le haghaidh oibríochtaí Uisce agus Fuíolluisce go náisiúnta agus go réigiúnach, rud a chinntíonn go gcuirtear luach ar airgead agus seirbhís do chustaiméirí ar fáil.

Is ar an bhfoireann sa réimse Bainistíochta O&C Fuíolluisce a luíonn an fhreagracht as seirbhísí oibríochtaí fuíolluisce a sholáthar ar bhonn náisiúnta trí shócmhainní fuíolluisce (líonra/cóireáil) a oibriú, a iniúchadh, a chothabháil agus a dheisiú.

Ag tuairisciú don Bhainisteoir Oibríochtaí Líonraí Fuíolluisce, tá sainchúram ag Ceannaire na Foirne Cothabhála agus Deisiúcháin Líonraí Fuíolluisce thar limistéar geografach agus tá sé/sí freagrach as maoirseacht a dhéanamh ar ghníomhaíochtaí cothabhála agus deisiúcháin pleanáilte agus freagartha ar fud an bhonneagair líonraí ar bhealach sábháilte. Beidh an Ceannasaí Foirne C&D freagrach as foireann Oibrithe Líonra C&D a stiúradh, a fhorbairt agus tacú leo agus an treoir agus na scileanna riachtanacha a chur ar fáil dóibh d’fhonn soláthar seirbhísí cothabhála agus deisiúcháin a chinntú ar fud an líonra uisce/fuíolluisce.

Beidh sé riachtanach obair a dhéanamh lasmuigh d’uaireanta oibre agus beidh rátaí fuireachais cuí i bhfeidhm.

Príomhdhualgais agus Freagrachtaí:

Freagrachtaí Oibriúcháin:

• Bheith freagrach as ceannas agus bainistíocht a dhéanamh ar fheidhmíocht foirne oibreoirí líonra a bhíonn ag obair ar fud an bhonneagair fuíolluisce, agus as an treoir agus na scileanna riachtanacha a chur ar fáil dóibh chun soláthar seirbhísí i limistéar geografach a chinntú.
• A chinntú go ngabhtar na sonraí a bhaineann le saincheisteanna ábhartha chun cur le forbairt pleananna oibríochta, cothabhála agus deisiúcháin.
• Bheith freagrach as sócmhainní atá cliste nó ag cliseadh a bhainistiú agus a athsholáthar, m.sh. deisiúcháin ar phléascadh agus ar intitim. Áireofar leis sin aon chonraitheoirí a fhostófar chun cuidiú leis na hoibreacha sin a bhainistiú.
• Cothabháil agus deisiú sócmhainní nuachoimisiúnaithe / uasghrádaithe a bhainistiú agus a eagrú de réir mar is gá trí oiliúint chuí a dhéanamh ar an láithreán agus trí thacaíocht a thabhairt maidir le dóthain acmhainní a chur ar fáil.
• Scileanna na mball foirne a fhorbairt trí chóitseáil agus oiliúint a chur ar fáil i ngach gné d'oibriú na n-oibreacha ábhartha.
• A chinntú go n-oibríonn an fhoireann de réir leibhéil shainithe inniúlachta oibriúcháin, ceanglais agus reachtaíocht sláinte agus sábháilteachta, córais Dearbhaithe Cáilíochta agus nósanna imeachta oibríochta caighdeánacha ach úsáid a bhaint as na córais teicneolaíochta atá ar fáil agus, ag an am céanna, a chinntú go ndéantar an fhaisnéis go léir a thuairisciú go cruinn agus a thaifeadadh go pras chun críocha iniúchta.
• A bheith freagrach as tascanna riaracháin a dhéanamh agus a athbhreithniú, lena n-áirítear athbhreithniú a bhaineann le bileoga ama, orduithe oibre, taifid S&S agus bainistíocht fardail agus an méid sin a dhéanamh trí úsáid a bhaint as na córais teicneolaíochta atá ar fáil.
• Páirt a ghlacadh nuair is gá i gcur i bhfeidhm Ceadúnas Oscailte Bóithre agus idirchaidreamh a dhéanamh leis an bhFoireann Tacaíochta Oibríochtúla mais gá. Áireofar leis sin aon bhearta leantacha de réir mar is gá, lena n-áirítear athbhunú sealadach agus buan a bhainistiú.
• Freagrach as monatóireacht agus as tuairisciú a dhéanamh ar phríomhtháscairí feidhmíochta do phróisis atá faoina n-úinéireacht.
• Páirt a ghlacadh in obair lasmuigh d’uaireanta oibre agus in obair fuireachais de réir mar is gá.

Bainistíocht ar Bhuiséid:

• A bheith freagrach as bainistiú na gcostas a bhaineann le foireann Cothabhála & Deisithe an Líonra.
• Comhordú a dhéanamh ar úsáid éifeachtach agus éifeachtúil acmhainní buiséadacha, trí chruinnithe foirne, bainistiú táirgiúlachta, úsáid feithiclí, cur i bhfeidhm tascanna oibre agus monatóireacht ar oibríochtaí líonra uisce.

Bainistíocht ar chaidreamh le Custaiméirí agus ar Theagmhais:

• Gníomhaíochtaí réamhghníomhacha agus frithghníomhacha a bhainistiú chun seirbhís chomhsheasmhach do chustaiméirí a chur ar fáil.
• A bheith freagrach as fiosruithe a dhéanamh ar ghearáin a bhaineann le seirbhísí fuíolluisce, lena n-áirítear teagmháil a dhéanamh le páirtithe leasmhara éagsúla inmheánacha agus seachtracha.
• Freagrach as nuashonruithe a chur isteach i gcóras Uisce Éireann do bhainistíocht ar bhriseadh seirbhíse.
• Tacú le freagairt ar theagmhais agus cásanna éigeandála a chomhordú i gcomhar leis an gComhordaitheoir um Rialú ar Thruailliú chun a chinntú go gcomhlíontar gach caighdeán sláinte agus sábháilteachta agus go bhfuil aicmithe truaillithe seasmhach.

Sláinte agus Sábháilteacht:

• A chinntú go gcuirtear gach ionduchtú sláinte agus sábháilteachta i gcrích, go gcuirtear an trealamh go léir ar fáil, go bhfuil an trealamh sin oiriúnach don obair agus go ndéantar calabrú riachtanach air ar bhonn tréimhsiúil.
• A bheith freagrach as Rialacháin Foirgníochta a chur i bhfeidhm lena n-áirítear dualgais a shanntar faoi na Rialacháin a chomhlíonadh, faoi mar atá leagtha amach i mbeartais, ráitis sábháilteachta agus pleananna Uisce Éireann. Maoirseacht a dhéanamh ar chur i bhfeidhm beartais agus caighdeáin dea-chleachtais lena n-áirítear cleachtais shábháilte oibre.
• A chinntú go gcloífear le gach nós imeachta sláinte agus sábháilteachta, lena n-áirítear pleananna bainistíochta tráchta, measúnuithe riosca (Plean Córas Sábháilte Oibre), úsáid TCP, Bainistíocht Tráchta srl.
• A bheith freagrach as deimhin a dhéanamh de go bhfuil scileanna sábháilteachta, oiliúint agus doiciméid ghaolmhara ábhartha ag pearsanra, lena n-áirítear cártaí Pas Shábháilte agus, nuair is cuí, cártaí Teastais Scileanna Foirgníochta.
• Guaiseacha a aithint agus rioscaí