Stipendiat i klinisk vaksenpsykologi

Norwegian University of Science and Technology (NTNU); Trondheim; Vor Ort; NOK 480.000 - 560.000; Vollzeit

Zusammenfassung

NTNU søker ein ph.d.-stipendiat i prosjektet Responsible AI Support for Sleep-Restriction Adherence in Insomnia. Stillinga er knytt til Institutt for psykologi og Trondheim Sleep Group ved FIU, og ligg til Østmarka campus.

Arbeidet omfatter fullføring av ph.d.-utdanning, forsking av god kvalitet, publikasjonar og formidling, samt klinisk arbeid i samband med datainnsamling. Prosjektet har fokus på utvikling av ein KI-basert samtaleagent for dCBT-I og søvnrestriksjon.

Qualifikationen

• Relevant mastergrad innan klinisk psykologi, medisin eller tilsvarande som svarar til norsk femårsutdanning og 120 studiepoeng på masternivå.
• Opptakskravet til doktorgradsprogrammet må vera oppfylt.
• Gode munnlege og skriftlege ferdigheiter i engelsk og norsk (B2).
• Masterstudentar kan søkja, men må vera ferdig og dokumentert innan oppstart i stillinga.

Aufgaben

• Fullføra doktorgradsutdanninga fram til oppnådd doktorgrad.
• Gjennomføra forsking av god kvalitet.
• Akademiske publiseringar og populærvitskapleg formidling.
• Delta i forskningsgruppa Trondheim Sleep Group.
• Delta i internasjonale konferansar og/eller forskingsopphald.
• Klinisk arbeid i samband med datainnsamling gitt nødvendige kvalifikasjonar.

Kenntnisse

Engelsk og norsk B2

Ausbildung

Mastergrad innan klinisk psykologi / medisin / psykisk helse

Jobbeschreibung

Om stillinga

Interesser du deg for skjeringspunktet mellom psykologisk behandling og data- og informasjonsteknologi? Me søkjer ein ph.d.-stipendiat til prosjektet Responsible AI Support for Sleep-Restriction Adherence in Insomnia. Målet med prosjektet er å utvikla og kvalitetssikra ein samtaleagent basert på kunstig intelligens som kan hjelpa pasientar å gjennomføra digital kognitiv åtferdsterapi for insomni. Som stipendiat hos oss, vil du jobba for å oppnå doktorgrada di, og samtidig opparbeida deg verdifull erfaring som kvalifiserer til videre karriere innan høgare utdanning og forsking, i og utenfor akademia.

Tilsetjinga vil vera ved Institutt for psykologi og tilknytt Trondheim Sleep Group (TSG) ved Enhet for Forskning, Innovasjon og Undervisning (FIU), Klinikk psykisk helsevern, St. Olavs hospital, med kontorlokale på Østmarka campus.

Forskingsgruppa TSG har stor aktivitet og ein tverrfagleg profil som inkluderer klinikarar og forskarar med bakgrunn frå medisin, psykologi, nevrovitskap, kybernetikk, statistikk, lingvistikk og maskinlæring. I 2023 fekk forskingsgruppa tildeling som Klinisk Akademisk Gruppe frå Helse Midt-Noreg.

TSGs forskingsfokus omhandlar søvn- og kronoterapi innan psykisk helse, nevrologi, og folkehelse. Teknologi og innovasjon er sentralt i gruppa, ved bruk av digitale behandlings- og observasjonsmetodar, tenesteinnovasjon, persontilpassa medisin og dessutan prediksion for å betra diagnostikk og behandling.

TSG har eit etablert samarbeid med Data and Artificial Intelligence (DART) group, Norwegian Research Center for AI Innovation og Norwegian Open AI Lab gjennom prosjektet AI-MENT. Doktorgradskandidaten vil inngå i denne arbeidsgruppa.

Om ønskjeleg og aktuelt vil det kunna leggjast til rette for ei klinisk bi-stilling.

Din næraste leiar vil vera nestleiar forskning.

Om prosjektet

I eit samarbeid mellom Institutt for psykologi, Trondheim Sleep Group, og Institutt for datateknologi og informatikk har me fått midlar frå NTNU Helse til prosjektet Responsible AI Support for Sleep-Restriction Adherence in Insomnia.

Målet for prosjektet er å utvikla og kvalitetssikra ein samtaleagent basert på kunstig intelligens som kan hjelpa pasientar å gjennomføra digital kognitiv åtferdsterapi for insomni (dCBT-I).

Det er eit stort press på helsetenesta generelt og psykiske helsetenester spesifikt. Me har ikkje nok ressursar, verken økonomisk eller personellmessig, til å møta noverande og særleg framtidige behov i helsetenesta. I tillegg veit me at mange pasientar som faktisk får behandlingstilbod i helsevesenet ikkje får beste tilgjengelege, kunnskapsbaserte behandling. Ein av fleire måtar å møta desse utfordringane på er å tilby menneske med psykiske helseplager helsehjelp i form av digital behandling.

Digital behandling gjer at me kan tilby behandling til mange fleire og me kan på ein annan måte sikra oss at denne behandlinga er kunnskapsbasert. Eit døme på dette er behandling av søvnlidingar. Insomni rammar 10–15 % av befolkninga og har store konsekvensar for fungering, psykisk helse og bruk av helsetenester.

Kognitiv åtferdsterapi for insomni (CBT-I) er ei tilrådd førstelinjebehandling, men få pasientar får tilgang til behandling grunna både avgrensa ressursar og at få klinikarar har opplæring i behandlingsmetoden. Digital CBT-I er ei dokumentert effektiv behandling for insomni som er skalerbar, men effekten av behandlinga blir redusert grunna låg etterleving.

Søvnrestriksjon er kanskje den viktigaste og mest verknadsfulle behandlingskomponenten i CBT-I, men også den mest krevjande for mange pasientar å gjennomføra og etterleva. Digital CBT-I implementerer søvnrestriksjon på ein regelbasert måte og manglar den personlege tilnærminga og alliansen som ein terapeut brukar. For å auka etterlevinga vil me prøva å utvikla, testa og kvalitetssikra ein klinisk informert, generativ KI-basert samtaleagent som betre tilrettelegg for søvnrestriksjonsprogrammet i dCBT-I.

Arbeidsoppgåver

• Fullføra doktorgradsutdanninga fram til oppnådd doktorgrad
• Gjennomføra forsking av god kvalitet
• Akademiske publiseringar og populærvitskapleg formidling
• Delta i forskningsgruppa Trondheim Sleep Group
• Delta i internasjonale aktivitetar som deltaking på konferansar og/eller forskingsopphald ved utanlandske lærestader
• Klinisk arbeid i samband med datainnsamling gitt nødvendige kvalifikasjonar

Ver førebudd på at det etter tilsetjing kan skje endringar i arbeidsoppgåvene dine.

Kvalifikasjonskrav

• Relevant mastergrad innan klinisk psykologi, medisin, psykisk helse eller tilsvarande. Utdanningsløpet ditt må minimum svara til eit femårig norsk studium, der minst 120 studiepoeng er oppnådde på masternivå
• Masterstudentar kan søkja, men mastergrada må vera oppnådd og dokumentert innan oppstart i stillinga
• Du må ha ein sterk fagleg bakgrunn frå det tidlegare studiet ditt, og ha ein gjennomsnittskarakter frå masterstudiet, eller tilsvarande utdanning, som er lik B eller betre sameint med NTNUs karakterskala. Dersom du ikkje har bokstavkarakterar frå tidlegare studium, må du ha eit like godt fagleg grunnlag. Dersom du har svakare karakterbakgrunn vil du kunna bli vurdert dersom du kan dokumentere at du er særskild eigna til ei ph.d.-utdanning
• Du må oppfylla krava til opptak på doktorgradsprogrammet til fakultetet
• God munnleg og skriftleg framstillingsevne i engelsk, og i norsk tilsvarande nivå B2

Ønskte