Sjukepleiar korttid/rehabilitering

Vindafjord kommune; Nerheim; On-site; NOK 550,000 - 700,000; Full time

Benefits offered by this job

Inkluderande arbeidsmiljø

Leiarar innspel frå medarbeidarar

Servicemedarbeidar som avlastar oppgåv

Variert arbeid i eit positivt miljø

Faglege utfordringar og utvikling somf

Gode forsikrings- og pensjonsordningar

Job summary

Vindafjord kommune søker to sjukepleiarar til faste 80–100% stillingar ved Ølen omsorgssenter sin korttids- og rehabiliteringsavdeling. Du vil arbeide i eit tverrfagleg team og bidregge til god oppfølging av pasientar og bebuarar.

Du kjem til eit miljø som legg vekt på tverrfagleg samarbeid, fagleg utvikling og evne til å sjå menneske bak pasienten. Lønn etter tariff avtalte vilkår, og vi tilbyr gode forsikrings- og pensjonsordningar.

Qualifications

• Norsk autorisasjon som sjukepleiar.

Responsibilities

• Stell, pleie og observasjon, med oppfølging og tiltak ut frå behova til den enkelte
• Sjukepleiefagleg kartlegging, mellom anna med NEWS, og utarbeiding av pleieplanar
• Rettleiing og tverrfagleg samarbeid
• Bidrag til eit godt arbeidsmiljø og kontinuerleg utvikling av tenestene

Education

Norsk autorisasjon som sjukepleiar

Job description

Vil du bruka sjukepleiarkompetansen din der han verkeleg betyr noko?

Me søkjer to sjukepleiarar i faste stillingar på 80–100 % ved korttids- og rehabiliteringsavdelinga på Ølen omsorgssenter.

Hos oss får du varierte og meiningsfulle arbeidsdagar i ei kollegagruppe som spelar kvarandre gode. Du blir ein del av eit lag med sjukepleiarar, teamsjukepleiar, helsefagarbeidarar, assistentar og servicemedarbeidar. Du får òg gode kollegaer på somatisk langtidsavdeling og leiarar som ønskjer å høyra innspela dine.

Som sjukepleiar hos oss får du bruka både den faglege kompetansen og evna di til å sjå menneska du møter. Du må òg rekna med å bidra på somatisk langtidsavdeling ved behov.

Ølen omsorgssenter har ei somatisk langtidsavdeling med 15 plassar og ei korttids- og rehabiliteringsavdeling med 13 plassar. Me driv òg natteneste på institusjon og nattpatrulje. Kvar avdeling har sin eigen avdelingsleiar, som du har tett kontakt med.

På huset finn du heimeteneste, dagsenter for eldre, fysioterapi- og ergoterapiteneste og vaksinekontor. Me har tilsynslege two gonger i veka og eit eige produksjonskjøkken som lagar mat til bebuarane våre og heimebuande i Vindafjord kommune.

Kvar avdeling har ein servicemedarbeidar som tek seg av praktiske oppgåver i løpet av dagen. Det gir helsepersonellet betre høve til å konsentrera seg om dei faglege oppgåvene. Konsulentfunksjonar hjelper òg til med mellom anna innleige og innkjøp.

Me nyttar pasientvarslingssystem, mellom anna RoomMate, og IKOS-tavler i det daglege arbeidet.

På korttids- og rehabiliteringsavdelinga arbeider me tett saman for å gi kvar pasient oppfølging tilpassa sine behov. Me samarbeider med terapiavdelinga, kreftkoordinator, heimetenesta og tenestekontoret for å skapa gode og samanhengande tenester.

Avdelinga har Vindafjord kommune si lindrande seng, og me har stort fokus på palliasjon. Me tek òg imot pasientar på vekselopphald.

Kartlegging er ein viktig del av arbeidet vårt. Me nyttar mellom anna CFS, MNA, ESAS og IPLOS for å vurdera behov og planleggja oppfølging. Samstundes legg me vekt på spørsmålet «Kva er viktig for deg?», slik at pasienten sine eigne ønskje og mål får ein sentral plass.

Hos oss får du bidra til gode tenester og ein trygg kvardag for pasientar og bebuarar. Arbeidsoppgåvene omfattar mellom anna:

• Stell, pleie og observasjon, med oppfølging og tiltak ut frå behova til den enkelte
• Sjukepleiefagleg kartlegging, mellom anna med NEWS, og utarbeiding av pleieplanar
• Rettleiing og tverrfagleg samarbeid
• Bidrag til eit godt arbeidsmiljø og kontinuerleg utvikling av tenestene

Kvalifikasjonar

• Norsk autorisasjon som sjukepleiar

Du arbeider sjølvstendig, systematisk og målretta, også når arbeidsdagen er hektisk. Samstundes er du fleksibel og ser verdien av å samarbeida på tvers av avdelingane. Du bidreg til eit arbeidsmiljø der kollegaer blir høyrde og respekterte.

Personlege eigenskapar blir vektlagde.

• Eit inkluderande arbeidsmiljø med dyktige og engasjerte kollegaer
• Leiarar som ønskjer innspel frå medarbeidarane
• Servicemedarbeidar som avlastar med praktiske oppgåver
• Variert arbeid i eit positivt miljø
• Faglege utfordringar og utvikling som fagperson
• Gode forsikrings- og pensjonsordningar (frå løna vert det trekt 2 % innskot til pensjonsordning)

Løn etter gjeldande tariff og avtaleverk.

Andre opplysningar:

Det fordrar at du kan arbeide på tvers av avdelingane ved behov.

Hjå oss vil me ha det høgt under taket med kort veg til engasjerte leiarar for dine idear. Du kan og sjekke vår Facebookside til å bli litt betre kjentmed oss.

Me ønskjer at våre medarbeidarar skal ha muligheit for utvikling innan fag og interesse, at dei skal ha eit arbeid som motiverar og engasjerar.

Ikkje nøl med å ta kontakt om du har spørsmål. Me er i utvikling og ynskjer å høyre frå deg som vil gjere ein forskjell i eldreomsorga.

Ved arbeid i barnehage, skule, barnevern, helse og omsorg, skal det leggast fram godkjent politiattest.Ved arbeid i barnehage, skule eller helse og omsorg skal det leggast fram godkjend dokumentasjon på tuberkulinkontroll før oppstart i jobb dersom du har budd eller opphalde deg i land med høg tuberkuloseførekomst i meir enn tre månadar. Personell i helse og omsorg legga fram helseopplysningsskjema i høve til MRSA.

Vindafjord kommune tek berre i mot elektroniske søknadar. Du kan lasta opp vitnemål og attestar som vedlegg. Om du ikkje har dei elektronisk, eller i rett format, må dei takast med til intervju. Ta kontakt med servicetorget på telefon [phone] dersom du treng hjelp til å søka.

Du kan koma med på offentleg søkarliste sjølv om du har bedt om unntak. Me tek kontakt før ei eventuell offentleggjering.

Hanne Hegerland Skjold (Ølen omsorgssenter)