A complete application in a minute
Tailored resume and cover letter, ready to send.
Høgskulen på Vestlandet (HVL) i Bergen søker ein AV-ingeniør som vil arbeide med utvikling og vidareutvikling av audiovisuelle løysingar. Du vil feilsøke AV-utstyr og bidra til driftssikre tenester i undervisningsrom og møterom.
Stillinga krev minst bachelorgrad, og gjerne masternivå, med erfaring frå AV og Crestron. Arbeidet skjer i IT-avdelinga ved HVL og inkluderer kontakt med brukarar og leverandørar.
Høgskulen på Vestlandet (HVL) er ein av dei største høgskulane i landet, med om lag 1 900 tilsette og 16 500 studentar fordelte på fem campus i Førde, Sogndal, Bergen, Stord og Haugesund.
Vi har sterke og innovative fagmiljø innan helse- og sosialvitskap, ingeniør- og naturvitskap, økonomi og samfunnsvitskap og maritime studier, og lærarutdanning, kultur og idrett. HVL tilbyr bachelor-, master- og doktorgradsutdanningar og ulike årsstudium.
HVL er tett på arbeidslivet, regionen og studentane, og har mål om å bli eit universitet med profesjons- og arbeidslivsretta profil.
Avdeling for Informasjonsteknologi og -tenester (ITT) er organisert i fellesadministrasjonen, og er nyleg reorganisert med fire einingar: Brukarretta tenester, System og infrastruktur, Informasjonsforvaltning og -sikkerheit og Digital tenesteutvikling.
Brukarretta tenester (ITBT) sørger for at teknisk utstyr fungerer trygt og effektivt der det trengst – i undervisingsrom, auditorium, møterom, på reise og på kontoret. Eininga tilbyr støtte, rettleiing og praktisk tilrettelegging, og bidreg til gode brukaropplevingar i heile organisasjonen. Hos oss får du ei sentral rolle i møte med brukarar, kollegaer og samarbeidspartnarar, og du blir del av eit fagmiljø som arbeider praktisk, løysingsorientert og tett på kjerneverksemda ved HVL.
Stillinga kan og bli tillagd andre arbeidsoppgåver innanfor ansvarsområdet til eininga.
Personlege eigenskapar:
For aktuelle stillingar gjennomfører HVL bakgrunnssjekk av søkjarar i samarbeid med ekstern leverandør for å verifisere opplysningar som går fram av tilgjengelege dokument. Bakgrunnssjekk skjer alltid med samtykke frå kandidaten, og tilsetjing i desse stillingane føreset gjennomført bakgrunnssjekk. Aktuelle søkjarar vil få nærare informasjon om dette.