Allmennmedisinar, Habiliteringsavdelinga for vaksne (HAVO)

Helse Stavanger; Bergen; On-site; NOK 1,100,000 - 1,500,000; Full time

Benefits offered by this job

Gode arbeidstidsvilkår

Hospitering i andre avdelingar

Job summary

HAVO ved Helse Bergen søkjer overlege som skal arbeide i eit fagleg engasjert miljø med fokus på tverrfagleg samarbeid ved avdelinga for habilitering. Arbeidet er primært poliklinisk, med noko ambulant oppfølging.

Du vil samarbeide tett med fastlegen, vurdere medikamentbiverknadar, redusere polyfarmasi og bidra i diagnostisering og behandling av lettare psykiske lidingar, søvnvanskar og smerter. Lønn etter gjeldande avtale; arbeidstid 08:00–16:00 på kvardagar.

Qualifications

• Lege som har autorisasjon og god norskkunnskap.
• Spesialisering i allmennmedisin ønskelig; oppmoding til nyutdanna spesialistar.
• Evne til tverrfagleg samarbeid og god kommunikasjonsferdighet.

Responsibilities

• Samarbeide med fastlegen om somatikk og vurdering av medikamentbiverknader.
• Diagnostisere og behandle lette psykiske lidingar; vurdere søvnvanskar og smerte.
• Delta i etterutdanning og hospitere i relevante fagmiljø.

Skills

Interesse for fagfeltet

Gode språkkunnskapar

Tverrfagleg samarbeid

Education

Legeautorisasjon

Spesialisering i allmennmedisin

Job description

Har du lyst til å jobbe i eit fagleg engasjert miljø med gode arbeidstidsvilkår? Då er du kanskje vår neste overlege!

Habilitering for vaksne er retta mot personar over 18 år med medfødd eller tidleg erverva funksjonsnedsetjing. Fagfeltet er spennande og variert, og grensar mot mange ulike spesialitetar. Pasientgruppa i HAVO har ofte samansette kognitive, medisinske og psykiske utfordringar. Grunnlidinga kan vere ulike syndrom, utviklingsforstyrringar og/eller utviklingshemming. Mange har uavklarte somatiske plagar, i tillegg til psykiske vanskar som angst, psykose eller affektive lidingar.

Utgreiing og behandling er ofte krevande fordi pasientane ikkje alltid klarer å skildre symptom, smerte eller verknad av medisinar. Overlegen må difor sette seg ekstra grundig inn i sjukehistoria og innhente opplysningar fra både pasient, pårørande og kommune/hjelpeapparat.

Vi søkjer lege som har interesse for målgruppa vår, og som vil bidra til å utvikle avdelinga. Vi oppmodar òg nyutdanna spesialistar i allmennmedisin til å søkje.

Som overlege i HAVO vil du mellom anna samarbeide med fastlegen om somatikk, vurdere medikamentbiverknader, redusere polyfarmasi, tilvise til genetisk utgreiing, diagnostisere og behandle lettare psykiske lidingar, søvnvanskar og smerte. Det meste skjer i tett samarbeid med andre spesialistar og yrkesgrupper i HAVO, då tverrfagleg samarbeid er sentralt i pasientoppfølginga.

Ein viktig del av arbeidet er rådgjeving og rettleiing til pasientar, pårørande, kommunehelsetenesta og spesialisthelsetenesta.HAVO ventar at du deltar i etterutdanning og hospiterer i relevante fagmiljø for å oppnå det komande (toårige) fordjupingsområdet: kompetansemål for legar i habilitering. Du vil få rettleiing av erfaren psykiater og god støtte frå dei andre yrkesgruppene. Avdelinga består av overlegar (psykiater og fysikalsk medisinar), psykologar, vernepleiarar, pedagogar og ergo- og fysioterapeutar. Alle har ulike tilleggsutdanningar. Det er til saman 23 tilsette ved avdelinga.

Avdelinga er ein del av Rehabiliteringsklinikken, som i tillegg består av Avdeling for fysikalsk medisin og rehabilitering (AFMR) og regionale kompetansetenester for habilitering og rehabilitering. Avdelingane er i dag lokaliserte på ulike stader. Det er planlagt innflytting i felles bygg på Nordås i 2028.Det er inga vaktordning eller akuttfunksjon knyttet til stillinga. Arbeidstida er 08:00–16:00 på kvardagar.

Arbeidsforma er primært poliklinisk, men noko ambulant oppfølging må reknast med. Vi har tenestebilar. Tilsetjing etter nærare avtale. Avdelinga er i dag lokalisert i Olav Bjordals veg 29 på Breistein. Det er gode parkeringsmoglegheiter.

• Interesse for og/eller erfaring frå fagfeltet
• Gode språkkunnskapar er heilt avgjerande for forsvarleg pasientbehandling. Ikkje-nordiske statsborgarar må kunne dokumentere ferdigheiter i norsk på minimum B2/NOR-U3- nivå eller høgare. Dokumentasjon må leggast ved søknad

Personlege eigenskapar

• Trivast i eit tverrfagleg miljø
• Vil utvikle kompetansen din og bidra til fagutvikling
• Vi legg stor vekt på personlege eigenskapar
  
• Spennande utfordringar og oppgåver
• Løn etter gjeldande avtale
• Moglegheiter for hospitering hos andre aktuelle avdelingar i landet
  

Helse Bergen, Haukeland universitetssjukehus, har nærare14.000 tilsette som har som mål å gi best mogleg helsehjelp til pasientane våre, og rett opplæring til pasientar og pårørande. Kvart år behandlar vi over 900.000 pasientar og bidreg i utdanninga av fleire tusen helsearbeidarar. Forsking og innovasjon er og viktige oppgåver i sjukehuset. Les meir på www.helse-bergen.no eller facebook .
Helse Vest skal så langt som råd avspegle mangfaldet i befolkninga. Vi ønsker å rekruttere medarbeidarar uavhengig av kjønn med ulik kompetanse, fagkombinasjonar, livserfaring og perspektiv for å bidra i spesialisthelsetenesta.