Tumuaki Tuarua

Ngati Whatua Orakei Whai Maia Limited; Auckland; Presencial; NZD 90 000 - 130 000; Tempo integral

Vantagens oferecidas por esta oferta de emprego

Hāngai ki te mana me ngā kawenga

Resumo da oferta

Te Kura o Ngāti Whāti Whātu ki Tāmaki e rapu ana i tētahi Tumuaki Tuarua mō te kura kaupapa Māori hou kei te pokapū o Tāmaki Makaurau. Ka tū koe hei pou o te whakatūturu i te kounga o te ako, te aroturuki i ngā hua, me te ārahi i ngā pūnaha NZQA me NCEA.

Ka noho koe ki te whakahaere i te marautanga, te aromatawai, me te waihanga i ngā ara angitu mō ngā uri. He kawenga nui ki te whakawhanake i te ao Māori me te whāinga o Ngāti Whātua Ōrākei ki te whai wāhi ki te ako me te tangata.

Qualificações

• Kua wheako ki te ārahi i te ao ako mātauranga Māori.
• Kua mōhio ki Te Marautanga o Aotearoa me NZQA/NCEA.
• Ngā pūkenga whakahaere me te ārahi i ngā pouako.

Responsabilidades

• Ārahi te whakatinanatanga o Te Marautanga o Aotearoa me ngā aronga matua o te marautanga ā-kura mō ngā Tau 9 ki te 13.
• Ārahi, tautoko, me te whakapakari i te kounga o te whakaako me ngā hua ako mō ngā uri.
• Ārahi i te aroturuki whānui o te kura, te taetae mai, te whai wāhi ki te ako me te oranga o ngā uri.
• Whakatū me te ārahi i ngā pūnaha NCEA me NZQA, tae atu ki ngā whakaū kounga.
• Whakatanukitanga o ngā hōtaka whakaako me te whakapai ake i te anga aromatawai.

Conhecimentos

Māori language

Leadership in education

Curriculum development

Pūkenga aromatawai

Ngā hua o te akoranga

Formação académica

Whai Tiwhikete Kaiako NZ

Tohunga mō te kura tuarua

Descrição da oferta de emprego

Te Kura o Ngāti Whātua ki Tāmaki

Aratakina te ako, whakaarahia te angitu. Tukua tō kaha ki te whakatupu i tō tātou kura.

E kimi ana a Ngāti Whātua Ōrākei i tētahi Tumuaki Tuarua whai pūkenga nui kia tū ki Te Kura o Ngāti Whātua ki Tāmaki, tō tātou kura kaupapa Māori hou kei te pokapū o Tāmaki Makaurau.

He tūranga motuhake tēnei mō te tangata e hiahia ana ki te whai wāhi nui ki te whakatupu i tētahi kura e ū pū ana ki ngā wawata, te tuakiri me ngā uara o Ngāti Whātua Ōrākei. Ka mahi ngātahi koe ki te Tumuaki ki te ārahi i ngā kaupapa ako mō ngā Tau 9 ki te 13, ā, ka noho hoki koe hei pouako ki te taha o ngā uri.

Hei Tumuaki Tuarua, māu e ārahi te whakatinanatanga o te marautanga, te kounga o te whakaako, ngā tukanga aromatawai, te eke angitu o ngā uri, me te whakapakari i ngā pouako. Ka noho hoki ki a koe te kawenga nui ki te whakatū me te ārahi i ngā pūnaha NCEA me NZQA o te kura, tae atu ki te whakaū i te kounga o ngā aromatawai, ngā tukanga whakaōrite, me te waihanga i te anga Consent to Assess a NZQA mō te kura.

He tino ara tēnei ki te waihanga i ngā pūnaha, ngā tikanga mahi me ngā ara angitu mai i te tīmatanga, i roto i te taiao kaupapa Māori e noho ai Te Marautanga o Aotearoa, Ngāti Whātua Ōrākeitanga, me te eke panuku o ngā uri, kia Māori ki te pūtake o ngā mahi katoa.

Mō te tūranga

Māu e:

• Mahi tahi me te Tumuaki ki te ārahi te whakatinanatanga o Te Marautanga o Aotearoa me ngā aronga matua o te marautanga ā-kura, ngā kaupapa mātauranga me ngā mahi ako mō ngā Tau 9 ki te 13.
• Tautoko, ārahi, whakapakari hoki i ngā pouako kia tupu ai te kounga o te whakaako me ngā hua ako mō ngā uri.
• Ārahi i te aroturuki whānui o te kura kia eke te angitutanga, te taetae mai, te whai wāhi ki te ako me te oranga o ngā uri.
• Tautoko i te waihanga me te whakatinana i te anga aromatawai o te kura.
• Whakatū me te ārahi i ngā pūnaha NCEA, ngā tukanga whakaōrite me ngā whakaritenga a NZQA.
• Tautoko i te whanaketanga o ngā hōtaka whakaako, ako hoki kia kounga, kia hāngai ki ngā uri me ngā wawata o te kura.
• Noho tonu hei pouako, hei tauira hoki mō te kounga o te whakaako i roto i te akomanga.
• Whakawhanaunga, manaaki hoki i ngā hononga ki ngā uri, ngā whānau me te iwi.

Ko wai koe?

He kaiako whai rēhitatanga, he kaiārahi mātauranga whai wheako hoki koe, ā:

• He matatau, he tino pakari rānei tō reo Māori, ā, e māia ana tō tū i roto i Te Ao Māori.
• Kua whai wheako koe ki te ārahi i ngā horopaki rūmaki reo Māori, kaupapa Māori rānei.
• He hohonu tō māramatanga ki Te Marautanga o Aotearoa.
• E ngākau nui ana koe ki te hiki i ngā uri kia eke panuku, kia eke tangaroa hei Māori.
• He wheako ōu ki te whakawhanake marautanga, ki te aromatawai, me te whakamahi tika i ngā mōhiohio hei whakapakari tonu i te kounga o te ako.
• E mōhio ana koe, kua whai wheako rānei koe, ki NCEA, ki ngā whakaritenga a NZQA me ngā pūnaha whakaū kounga.
• He tangata ārahi, he kaiwhakapakari hoki koe, e taea ai e koe te poipoi ngā pūkenga me te pitomata o ētahi atu.
• He māramatanga tōu ki te Ngāti Whātua Ōrākeitanga, Ngāti Whātua Whānuitanga me ngā wawata o Ngāti Whātua Ōrākei, he ngākau titikaha rānei tōu ki te ako me te whakapakari i taua māramatanga.
• E hihiko ana koe kia whai wāhi ki te whakatū, ki te whakatupu hoki i tētahi kura Māori hou, auaha hoki.

He aha ngā hua mōu?

• He whai wāhitanga motuhake ki te whakatupu i tētahi kura hou mai i ōna pūtake.
• He tira kaiārahi tautoko, mahi ngātahi hoki.
• He wāhi nui ki a koe ki te whakatau i ngā aronga o te marautanga, te aromatawai me ngā ara tohu mātauranga mō ngā uri.
• He hononga kaha ki te iwi, ki te whenua me ngā tikanga kaupapa Māori.
• He utu e hāngai ana ki te mana me ngā kawenga o te tūranga.
• He whai wāhitanga ki te waiho i tētahi taonga tuku iho mō ngā uri, ngā whānau me ngā reanga e heke mai nei.

Ngā whakaritenga o te tūranga

Me:

• Whai Tiwhikete Whakaako Whaimana o nāianei nā Te Kaunihera Kaiako o Aotearoa.
• Whai tohu e āhei ai koe ki te whakaako i te taumata kura tuarua.
• Whai mana ki te mahi ki Aotearoa.