Get a reply from this employer
Your resume and cover letter, tailored to exactly what they’re hiring for.
Point Chevalier School Rangi-mata-rau ki Tāmaki Makaurau e kimi ana i tētahi kaiako pūmau ki te waihanga me te whakatipu i tētahi akomanga rumaki ki Te Kura o Rangi-mata-rau. Ka whai wāhi koe ki te āwhina ki te waihanga kaupapa hou, ki te whakatakoto tikanga, me te whakapakari i ō pūkenga whakaako i te reo Māori.
Mā te mahi tahi me te rōpū kaiārahi, whānau, ākonga me te hapori kura, ka kaha ake te whakatipu i te wairua o te akomanga rumaki.
E rapu ana mātou i tētahi pou tūāpapa. E kimi ana mātou i tētahi kaiako e ngākau nui ana, e pūmau ana hoki ki te whakatū me te whakawhanake i tētahi akomanga rumaki ki Te Kura o Rangi-mata-rau | Point Chevalier School.
He huarahi whakahirahira tēnei ki te āwhina ki te waihanga i tētahi kaupapa hou ki roto i tō mātou kura. Mā te mahi ngātahi me te rōpū kaiārahi, whānau, ākonga me te hapori kura, ka whai wāhi koe ki te whakatakoto i ngā tikanga me te whakatipu i te wairua o te akomanga rumaki mai i tōna tīmatanga.
Ka whāia Te Marautanga o Aotearoa, ā, kei te pūtake o ngā akoranga ko te mokopuna, ko te reo Māori, ko te mātauranga Māori me te tirohanga Māori. Ko te whanaungatanga te tūāpapa o te kaupapa, arā, ko te whakawhanaungatanga me te whakapakari i ngā hononga ki ngā tamariki me ō rātou whānau. E kimi ana mātou i tētahi kaiako ka taea e ia te waihanga wheako ako whai kiko, whakahihiri hoki, kia puāwai ai ā mātou tamariki.
E mōhio pū ana mātou he haerenga roa tēnei. He ara piki, he ara heke te whakatū i tētahi akomanga rumaki. Heoi, ehara i te mea me tae mai koe hei tohunga. Mēnā he pakari tō reo Māori, he ngākau nui tōu ki te whakaako mā te reo Māori, ā, he hiahia nōu ki te whakawhanake tonu i tō mōhiotanga me ō pūkenga whakaako, nau mai, haere mai.
Mā mātou o te rōpū kaiārahi koe e tautoko mā te whakarato i ngā whai wāhitanga ako ngaio kounga tiketike. He whai wāhitanga tēnei ki te waihanga i tētahi kaupapa whakahirahira mō ā mātou tamariki, whānau me tō mātou kura hoki.