Kommunalsjef oppvekst

Voss herad; Vossavangen; In loco; NOK 900.000 - 1.200.000; Tempo pieno

Descrizione del lavoro

Voss herad søker kommunalsjef for oppvekst som skal lede og utvikle tenestene til barn og familiar.

Du vil vera sentral i leiinga, arbeide i tett samspel med politikarar, leiarar og tillitsvalde, og levere heilskaplege, effektive og berekraftige tenester.

Stillinga krev god skriftleg og munnleg framstillingsevne, og du må kunne byggja gode relasjonar i eit krevjande fagmiljø.

Competenze

• Høgare utdanning innan relevante fagområde.
• Me søkjer leiarerfaring og god økonomiforståing.
• Erfaring med omstillingsprosessar er ein fordel.
• God kjennskap til kommunal forvaltning og samspelet mellom politikk og administrasjon.

Mansioni

• Utvikle oppvekstavdelinga i ei brytningstid.
• Samarbeide med politikarar, leiarar og tillitsvalde.
• Arbeide for heilskaplege, effektive og berekraftige tenester.
• Sikre godt samarbeid mellom kommunalområda.

Conoscenze

Leiarerfaring

Analytisk tenking

Strategisk tenkning

Skriftleg framstillingsevne

Formazione

Leiarutdanning

Høgare utdanning innan relevante fagområde

Descrizione del lavoro

Om du har gullmedalje frå OL eller helst ser sport på TV, er du ein av oss. Om du diggar smalahove eller er vegetarianar, er du ein av oss. Om du hoppar i fallskjerm eller går tur på flatmark, er du ein av oss. Vossingane er stolte, av seg sjølve, av bygda, av maten og kulturen. Vil du verta ein av oss, skal me ta godt vare på deg. Her får du lov til å lukkast. Me garanterer at du finn noko å driva med, også når du har fri. Og treng du andre impulsar, er vegen kort til både Bergen og fjorden. No kan du verta ein del av laget, me treng deg.

Me ser etter ein ny kommunalsjef for oppvekst.

Kvar dag går fleire tusen barn og unge inn dørene til barnehagar, skular og tenester i Voss herad. Korleis dei blir møtt, kva moglegheiter dei får, og korleis me som samfunn støttar dei gjennom oppveksten, er noko av det viktigaste me gjer.

Me søkjer deg som er ein samlande leiar og som ynskjer å vera sentral i den vidare utviklinga av kommunalavdeling oppvekst og Voss herad i rådmannen si leiargruppe. Me søkjer ein kommunalsjef som er analytisk og strategisk, som også trivst i ei synleg rolle og ein operativ kvardag. Kommunalavdeling oppvekst har 576 tilsette og eit budsjett på 672 mill.kr.

Du vil få ansvar og moglegheit for å utvikla oppvekstavdelinga i ei brytningstid med behov for å sikra framtidig kompetanse og gode tenester til barn, unge og familiar.

Som vår nye kommunalsjef må du vera ein engasjert lagspelar og lagbyggjar som har evne til å inspirera og motivera. I godt samspel med politikarar, leiarar og tillitsvalde skal du arbeida for heilskaplege, effektive og berekraftige tenester til innbyggjarane våre. Gjennom involvering og delegering, saman med tillitsvalde, skapar du oppslutnad om mål, prosess og resultat i gjennomføring av vedtekne strategiar. For å lukkast i å nå måla våre, er det viktig at du bidreg til eit godt samarbeid mellom alle kommunalområda. Meistringsorientert leiing og tillit er viktige prinsipp i Voss herad.

Kvalifikasjonskrav

• høgare utdanning innan relevante fagområde i kommunalavdelinga, og gjerne med leiarutdanning
• må ha leiarerfaring og god økonomiforståing
• erfaring med gjennomføring av omstillingsprosessar er ein fordel
• god kjennskap til kommunal forvaltning og samspelet mellom politikk og administrasjon er ein føremon
• stillinga krev god skriftleg og munnleg framstillingsevne

Det vil bli lagt stor vekt på at kandidaten sine personlege eigenskapar underbyggjer forventningane til stillinga.

Me tilbyr

Spanande og varierte oppgåver i eit godt, tverrfagleg og sosialt miljø. Det vil til tider vera ein hektisk arbeidskvardag i ein kommune i utvikling. Her vil du få arbeida med Voss herad sine moglegheiter og utfordringar saman med dedikerte og fagleg sterke kollegaer.

Løn etter avtale og gode forsikrings- og pensjonsordningar.

Me ynskjer eit arbeidsmiljø prega av mangfald, og at våre tilsette skal gje eit bilete av folkesetnaden generelt. Me oppmodar alle som er kvalifisert til å søkja jobb hjå oss uansett alder, funksjonsevne, kjønn, eller kulturell bakgrunn.