Kommunalsjef for teknisk, plan og miljø

Mette Hestetun Berg; Årdalstangen; On-site; NOK 900,000 - 1,100,000; Full time

Job summary

Årdal kommune søkjer ein engasjert kommunalsjef for teknisk, plan og miljø i ei 100% fast stilling. Du blir ein sentral del av leiargruppa, tett på både strategi og gjennomføring, og får ei nøkkelrolle i utviklinga av kommunen.

Du har leiarerfaring og god forståing for økonomistyring, planarbeid eller prosjektleiing, samt kjennskap til kommunal verksemd. Løn blir avtalt etter kvalifikasjonar, med rom for å skape konkrete løysingar og eit godt arbeidsmiljø.

Qualifications

• Leiarerfaring og evne til heilskapleg tenking.
• Kjennskap til kommunal verksemd og relevant lovverk er ei fordel.
• Sjølvstendig og strukturert med evne til å byggje relasjonar.

Responsibilities

• Overordnet ansvar for teknisk, plan og miljø med ca. 55 tilsette.
• Lede og påverke strategi, budsjett og fagleg utvikling.
• Samarbeide tverrsektorielt og byggje sterke fagmiljø i Årdal kommune.

Skills

Leiarerfaring

Økonomistyring

Planarbeid

Prosjektleiing

Education

Relevant høgare teknisk utdanning

Job description

Vil du vere med og forme framtida i Årdal?

Årdal kommune søkjer no ein engasjert og samlande kommunalsjef for teknisk, plan og miljø til ei 100% fast stilling. Me ser etter deg som er ein trygg og strategisk leiar – ein som ynskjer å bidra til utvikling, skape gode løysingar og byggje sterke fagmiljø i lag med dyktige medarbeidarar.

Ei nøkkelrolle i ei berekraftig utvikling

I denne rolla blir du ein sentral del av kommunen si leiargruppe, tett på både strategi og gjennomføring. Du vil få ei nøkkelrolle i arbeidet med å utvikle Årdal vidare som ein berekraftig og framtidsretta kommune. Rolla gir deg høve til å påverke både retning og resultat, og til å arbeide i skjeringspunktet mellom politikk, forvaltning og samfunnsutvikling.

Ansvar og arbeidsområde

Du vil få eit heilskapleg leiaransvar med ansvar for økonomi-, personal- og fagleg utvikling innan eit breitt og variert fagområde. Området omfattar mellom anna investeringsprosjekt, planarbeid, byggesak, drift og vedlikehald, samt vatn, avløp, utedrift, brann/beredskap, miljø og folkehelsearbeid. Til saman er det ca 55 tilsette på arbeidsområdet teknisk, plan og miljø.

I stillinga vil du også ha oppfølging av interkommunale samarbeid blant anna på renovasjon. Du vil og bidra til eit godt arbeidsmiljø og samarbeid på tvers av sektor- og tenesteområde og bygge relasjon til eksterne aktørar.

Kven ser me etter?

Me ser etter deg som har relevant høgare teknisk utdanning og erfaring frå eitt eller fleire av fagområda. Du har leiarerfaring, god forståing for økonomistyring, og erfaring med planarbeid eller prosjektleiing. Kjennskap til kommunal verksemd og relevant lovverk er ein fordel, men viktigast er di evne til å tenkje heilskapleg og skape framdrift.

Som leiar i Årdal kommune er det viktig at du er strukturert, tydeleg og inkluderande. Du trivst med ansvar, er god til å byggje relasjonar og har eit ekte engasjement for både folk og fag. Du kommuniserer godt, både munnleg og skriftleg, og evnar å stå støtt i både strategiske og operative utfordringar.

Kvifor velje Årdal kommune?

Årdal kommune er ein nasjonalparkkommune med spektakulære eventyr rett utfor døra. Her bur du tett på fjord og fjell, med eit rikt tilbod innan friluftsliv og aktivitetar gjennom heile året. Om du likar fjellturar, ski, fiske, sykling eller andre utandørs aktivitetar, er moglegheitene mange.

Me er eit lite og inkluderande lokalsamfunn med eit godt kultur- og fritidstilbod, med aktive lag, organisasjonar og idrettsmiljø. Dette gir gode høve til å bli kjend med lokalsamfunnet og finne aktivitetar som passar for både born og vaksne.

Hjå oss får du ei spennande og meiningsfull leiarrolle i ein kommune med store ambisjonar og korte avstandar fra idé til handling. Her får du verkeleg høve til å påverke og sjå resultat av arbeidet ditt.

Løn blir avtalt etter kvalifikasjonar, og me tilbyr gode pensjons- og forsikringsordningar.

Andre opplysningar:

• Den statlege ordninga med sletting av studiegjeld med 25.000kr i året gjeld for deg som har bustadadresse i Årdal kommune. Sjå Lånekassen.no for meir informasjon om kvalifisering
• Me gjer merksam på at ifølgje offentleglova §25, 2. ledd kan opplysningar om søkjaren bli offentleggjort, sjølv om du har oppmoda om å ikkje bli ført opp på offentleg søkjarliste. Dersom du har bedt om unntak fra offentleg søkjarliste vil du alltid bli varsla før søkjarlista vert offentleggjort
• Alle nytilsetjingar vert gjort med ei prøvetid på 6 måneder